उदयपुरमा स्कारपियो दुर्घटना, पाँच जनाको मृत्यु, तीन घाइते

  • कार्तिक २, २०७७
  • ५८९ पटक पढिएको
  • कपुरी न्यूज
alt

धरान : उदयपुरको कटारी नगरपालिका-१४ भदौरे स्थित सिद्धिचरण लोक मार्गमा गए राति भएको स्कारपियो दुर्घटनामा परेर पाँच जनाको मृत्यु भएको छ। तीन जना गम्भीर घाइते भएका छन् । 

भैरहवाबाट ओखलढुङ्गातर्फ जाँदै गरेको बा २० च ७१७१ नम्बरको स्कारपियो दुर्घटनामा परेको प्रदेश ट्राफिक प्रहरी प्रमुख एसपी सञ्जीव शर्मा दासले जानकारी दिएका छन् ।

मृतकमध्ये दुई जनाको पहिचान खुलेको छ भने तीन जनाको पहिचान भइसकेको छैन । एसपी दासका अनुसार दुर्घटनामा परेर मृत्यु हुनेमा ओखलढुङ्गा माने भन्ज्याङ गाउँपालिका–९ का ४५ वर्षीय रामबहादुर सार्की र सोही स्थानका २६ वर्षका कर्ण सार्की रहेका छन् । अन्य ३ जनाको भने पहिचान खुल्न बाँकी रहेको  छ ।

अहिले मृतकको शव र दुर्घटनामा परेको गाडी घटनास्थलमै रहेको छ। ट्राफिक प्रहरीले राति ११ः५५ बजेतिर ब्रेक फेल भएर स्कारपियो दुर्घटनामा परेको हुनसक्ने अनुमान गरेको छ । गाडी सडकबाट करिब नौ सय मिटर तल खसेको छ ।

दुर्घटनामा परेर ओखलढुङ्गाको मानेभञ्याङ-९ की २८ वर्षीय कुमारी सार्की, २२ वर्षीया कल्पना सार्की र स्कारपियो चालक रुपन्देही मधुवलिया-४ का २८ वर्षीय पवन खड्का गम्भीर घाइते भएका छन् । घाइतेहरूलाई उपचारका लागि कटारी अस्पताल पठाएर घटनाको अनुसन्धान सुरु गरिएको प्रहरीले जनाएको छ । 

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved