युकेमा बस्ने धरानका युवा इन्जिनियरको अन्तरिक्ष केन्द्र डिजाइनलाई अन्तर्राष्ट्रिय पुरस्कार

  • मंसिर २७, २०७७
  • २५० पटक पढिएको
  • कपुरी न्यूज
alt

लन्डन : युकेमा रहेका एक धराने युवा इन्जिनियरले बनाएको अन्तरिक्ष केन्द्र निर्माणको नमुना डिजाइनले अन्तर्राष्ट्रिय पुरस्कार जितेको छ ।

विश्वभरका प्रतिस्पर्धीहरूलाई उछिन्दै अजेन लिम्बुले नेतृत्व गरेको समूहले युवा स्ट्रक्चरल इञ्जिनियरस् अन्तर्राष्ट्रिय डिजाइन प्रतियोगिता जितेको हो ।

बेलायतको प्लाइमोथ विश्वविद्यालयमा सिभिल इन्जिनियरिङको मास्टर्स तहको अन्तिम वर्षमा अध्ययनरत हुँदा २५ वर्षीय अजेन लिम्बु र उनको समूहले बनाएको डिजाइन उत्कृष्ट भएको विश्वविद्यालयले आफ्नो वेभ साइटमार्फत जनाएको छ ।

‘आवेदकहरूलाई शून्य गुरुत्वाकर्षणको उपस्थितिमा सौर्य मण्डलको ग्रहहरूको अन्वेषण गर्न सहज हुने गरी अन्तरिक्ष केन्द्र निर्माणका लागि संरचनाको नमुना तयार गर्न भनेका थियौँ,’ वेभ साइटमा सूचना तथा सञ्चार अधिकृत एलन विलियम्सले लेखेका छन्, ‘प्लाइमोथका तीन विद्यार्थीहरूले नासा र जापनिज एरोस्पेस एक्स्प्लोरेसन एजेन्सीको सामग्री प्रयोग गरेर वायुयाणको निर्माणमा विस्तृत खोज गरेका छन् ।’ सेल्सबरी निवासी लिम्बुले नेतृत्व गरेको समूहमा एलियट ट्याम र ज्याक ओर्मे पनि संलग्न रहेका थिए ।

धरानमा घर भएका अजेन आफ्ना पूर्व ब्रिटिस गोर्खा सैनिक बुवा तेज कुमार थक्लुङ लिम्बु र आमा कमला सेन्दाङ लिम्बुसँगै पाँच वर्षको उमेर हुँदा बेलायत पुगेका थिए । धरानकै अरनिको स्कुलमा प्राथमिक तहमा पढेका उनले त्यसपछि बेलायतमै उच्च तहसम्मको अध्ययन पूरा गरेका थिए ।

‘यो प्रतियोगिताले अन्तरिक्ष इन्जिनियरिङको अद्भुत रहस्य नजिक पुग्न एकदमै उत्साहजनक अवसर दिएको छ,’ पुरस्कार जितेपछि लिम्बुले प्रतिक्रिया दिँदै भने । छात्रवृत्ति पाएर इन्जिनियरिङ अध्ययन गरेका उनी अहिले एक प्रतिष्ठित संस्थामा कार्यरत छन् । दुई छोराहरूमध्ये आफ्नो कान्छा छोरा अजेनको उपलब्धिमा हौसिँदै नर्सिङ पेसामा आबद्ध आमा कमला सेन्दाङले भूपू सैनिक परिवारका सन्तानहरूले पछिल्लो समय शैक्षिक क्षेत्रमा लोभलाग्दो प्रगति गरिरहेको बताइन् ।

सामाजिक सेवाका काममा पनि सक्रिय उनले अजेनको उपलब्धि नेपाली समुदायमा दुर्लभ भएको टिप्पणी गरिन् । भूतपूर्व ब्रिटिस गोर्खा सैनिक र तिनका सन्तानहरूले सन् २००९ मा आवासीय भिसाको अधिकार पाएपछि बेलायतमा नेपाली समुदायको आगमन तीव्र बनेको हो । यहाँ आएसँगै दोस्रो पुस्ताका सन्ततिहरूले उच्च शिक्षा हासिल गरेर विभिन्न क्षेत्रहरूमा आफ्नो प्रभाव कायम गरिरहेका छन् ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2021 - Kapurinews.com All rights reserved