पथरी: आन्दोलनमा सहभागी भएर प्रहरीको अश्रृग्याँसबाट घाइते वनेका सोमवहादुर विक उपचार अभावको कारण समस्यामा परेका छन् ।
उपचार गर्न नसक्दा आफ्नो ज्यान नै जोखिममा परेको पीडित बिकको गुनासो छ । आर्थिक अभावले परिवार चलाउन पनि धौ धौ परेको उनले बताए । मोरङ्गको पथरीमा गत वैशाखको पहिलो हप्ता रिना वस्नेत नग्न अवस्थामा मृत फेला परेकी थिइन् । उनको हत्या आशंकय गर्दै स्थानियवासीले आन्दोलन गरेका थिए । स्थानीयबासी सडक अवरुद्ध गर्दै आन्दोलनमा उत्रिए पछि प्रहरीले वल प्रयोग गरेको थियो । सोही क्रममा उनको खुट्टामा अश्रृंग्याँसको खोका लागेको थियो । त्यहि खोकाले खुट्टामा भएको घाउ अझै निको भएको छैन ।
विकले खुट्टाको चोट निको होला भनेर पथरीका अस्पतालदेखि विराटनगरको नोवल अस्पताल सम्म पुगेर उपचार गरेकय थिए । तर, घाउ निको भएको छैन । आर्थिक अभावको बीचमा उनी उपचारको लागी अस्पताल धाइ नै रहेका छन् । हाल उनी विराटनगरको नोबेल मेडिकल कलेजमा धाइरहेका छन् । एक सुनचाँदी पसलमा दैनिकी ज्यालादारीमा काम गरेर परिवारको गर्जो टार्ने गरेका बिकलाई आफ्नो उपचारको लागि खर्च जुटाउन धौ धौ छ । ‘दैनिक ३ हजार रुपया भन्दा बढीको ‘इन्जेक्सन’ र औषधी प्रयोग गर्दै आएको छु तर पनि खुट्टामा लागेको घाउ निको भएको छैन,’विकले भने,‘आर्थिक अस्वस्था कमजोर भएपछि समस्यामा परेँ ।’
गत बैशाखमा घाइते भएका उनको त्यसबेला नै एक लाख भन्दा बढी खर्च भएको थियो । घाउकै कारण उनी नियमित काम गर्न पनि सकेका छैनन् । विगतमा एक हजार भन्दा बढी कमाई गर्ने बिक हिजोआज दैनिक २ सय रुपैया भन्दा बढी कमाउन सकेका छैनन् । नोवलका डाक्टरले नियमित औपधी खान र नियमित इन्जेक्सन लगाउन सुझाब दिएका छन्, तर उनीसँग पैसा छैन । आफ्ना २ छोराको पढाइ खर्च जुटाउन पनि उनलाई चुनौती छ ।
पथरीशनिश्चरे नगरपालिकाका मेयर दिलिप राईले उपचारको लागी केही आर्थिक सहयोग गरेका थिए । तर, पथरी उद्योग वाणिज्य संघ पथरीशनिश्चरेकय अध्यक्ष दिपक वस्नेतबाट सहयोग गर्ने भनेर पाएको आश्वसन पुरा नगरेको विकले वताए । घटना भएको ७ महिना बितिसक्दा पनि आन्दोलनको नेतृत्व गर्नेहरु कोही पनि पनि भेटन नआएको उनले गुनासो गरे । अस्पतालमा उपचार गर्न नसके पछि उनले दुःखाइ कम गर्ने औषधी खाएर बसेका छन् । चिकित्सकका अनुसार उनको खुट्टामा रगत जमेको र त्यसको उपचार समयमा गर्न नसके मुटुमा असर पर्नेछ । अश्रृ ग्याँसकै कारण उनमा सो समस्या आएको हो ।
