काठमाडौं : हङकङमा लोकतन्त्र पक्षधरहरुले गरेको आन्दोलन झन-झन चर्कदैं गएको छ ।
हङकङका विश्वविद्यालय र कलेज अगाडि भेला भएका प्रदर्शनकारीहरुले ठाउँ-ठाउँमा आगजनी गरेका छन् । हङकङको पोलिटेक्निक युनिभर्सिटीको प्रवेशद्धारमा भेला भएका प्रदर्शनकारीहरुले पेट्रोल बम प्रहार गरेपछि आगजनी भएको हो ।
यसैबीच हङकङका एक प्रहरी अधिकारी प्रदर्शनकारीले हानेको वाण लागि घाइते भएका छन् । उनको स्थिति गम्भीर रहेको बीबीसीले जनाएको छ ।
स्थिति निन्यन्त्रणमा लिने क्रममा प्रहरी र प्रदर्शनकारीबीच झडप भएको छ । झडपकै क्रममा केही प्रहरी र प्रदर्शनकारी घाइते भएका छन् । प्रहरीले धरपकड गर्दा थुप्रै प्रदर्शनकारी घाइते भएका छन् । प्रदर्शनकारीहरुले प्रहरीमाथि पेट्रोल बम र ढुंगा प्रहार गरेपछि प्रहरीले जवाफी कारवाही स्वरुप अश्रुग्यास र पानीको फोहोरा प्रहार गर्दा उनीहरु घाइते भएका हुन् ।
प्रदर्शन गर्न रोक लगाइएका ठाउँहरुमा आन्दोलनकारीर्ले याली निकालेपछि प्रहरीले भीड नियन्त्रण गर्न अश्रुग्याँस प्रहार गरको हो । जसका कारण कयौं व्यापारीक संयन्त्रहरुमा क्षति पुगेको छ । सुपुर्दगी विधेयकको विरोधमा सुरु भएको प्रदर्शन अहिले लोकतन्त्रका विभिन्न मुद्दामा केन्द्रित रहने गरेका छन् ।
हङकङको प्रदर्शन महिनौंसम्म जारी छ । हङकङ मामिला आफनो आन्तरिक भएको बताउँदै आएको चीनले प्रदर्शनकारीलाई चेतावनी दिएपछि आन्दोलनले झन उग्र रुप लिएको छ ।
