धरान : केही दिन यता देखि मौसम खुलेको छ । मौसम खुलेसँगै भेडेटार पुग्ने जो कोहीलाई भेडेटारबाट देखिने सुन्दर दृश्यले एक पटक सबैलाई आहा भन्ने बनाउँछ ।
यति बेला बिदाको दिन अनि शनिवार र मंगलबार भेडेटारमा रहेको पाथीभरा मन्दिरमा पूजा गर्न आउने भक्तजनहरूको घुइँचो लाग्न थालेको छ ।
पाथीभरा मन्दिर क्षेत्रबाट पूर्वका विभिन्न हिमशृङ्खलाहरू देखिनुको साथै नजिकै रहेको सागुरीगढी, देबीथान गाउँ, भेडेटार धरानको नागबेली सडकले अहिले भेडेटार पुग्ने जो कोहीलाई मन्त्रमुग्ध बनाउने गर्दछ ।
कोरोना महामारी पछि पछिल्लो समय भेडेटारमा यति बेला पूर्वका विभिन्न क्षेत्रबाट घुम्न आउनेहरूको भिडभाड पनि बढेको छ ।
