_1749430366.gif)
धरान : नेपाल विधुत प्राधिकरणले धरानका मेयर हर्क साम्पाङद्वारा आफ्नो सिफारिसमा मात्र बिजुलीको मिटर जडान गर्न दिनु भनी गरेको निर्णय खारेज गरीदिएको छ।
प्राधिकरण केन्द्रीय कार्यालय काठमाडौँले निर्देशन जारी गर्दै अब देखि बिजुलीको मिटर जडान गर्न नगरपालिकाको सिफारिस नचाहने जनाएको हो ।
यस संवैधानिक अधिकार अनुसार वडा समितिहरूले सिफारिस गर्दै आएकोमा मेयर साम्पाङले आफूले गरेको सिफारिस अनुसार मात्र बिजुली जडान गर्नु भन्दै पत्र प्राधिकरण धरानलाई पठाए पछि विवाद भएको थियो ।
स्थानीय सरकार सञ्चालन ऐनकाे प्रावधान विपरीत वडाको अधिकार कटौती गर्न खोजेको भन्दै वडाअध्यक्षहरूले मेयरलाई सचेत गराएका थिए ।
धरानका सेवाग्राही र सुकुम्वासीहरूले मेयरले अनावश्यक दु:ख दिने कार्य गरेको भन्दै विरोध गरेका थिए । मेयर साम्पाङले नागरिक र वडा अध्यक्षहरूको उक्त अनुरोधलाई बेवास्ता गर्दै आएका थिए।
यस विषयमा धरान शाखाले केन्द्रीय कार्यालयमा आवश्यक निर्देशन माग गरेकोमा अब उप्रान्त स्थानीय तहको सिफारिस बिनै मिटर जडान गरीदिनु भनी निर्देशन पठाएको हो ।
प्राधिकरकाे यो निर्देशन पछि सिफारिस शुल्क बापत धरान उपमहानगरपालिकाले प्राप्त गर्दै आएको लाखै राजश्व मेयर राईको गलत निर्णयले गुमाएको धरान-१५ का वडा अध्यक्ष नरेश ईङवारमले बताए ।
बिधुत जडानको सिफारिस कटौती भएपछि नगरपालिकाको आम्दानी कम हुने उनको भनाई छ ।
