यस्ता छन् इटहरीका नाम चलेका ११ वटा क्याफे 

इटहरी : क्याफे कल्चरमा इटहरी परीपक्क भइसकेको छैन । २०७२ को भुकम्प र नाकाबन्दी पछि मात्र इटहरीले क्याफेको अनुभव पाएको हो । तथापि छोटो समयमै धेरै क्याफे खुल्ने सहरको रूपमा देखापर्यो इटहरी । व्यवसायीक रूपमा खोलिएको “अपस्टेयर्स” इटहरीको पहिलो क्याफे हो ।

हस्पीटालीटी क्षेत्रमा पछाडि परेको इटहरीमा क्याफे सँगै खुलेका होटेल म्यानेजमेन्टको सिपमूलक कोर्षले राम्रो प्रगति गरेको पाइन्छ। त्यसबाटै उत्पादित जनशक्तिले हाल इटहरीको हस्पीटालीटीमा टेवा पुर्‍याइरहेको छ । क्याफे कल्चर स्थापीत हुने प्रक्रियामा रहेको बेला चिया बिक्रीको लागी पनि क्याफे सुरु भएको छ । सुन्दा र देख्दा पनि स्मार्ट लाग्ने भएकोले युवा पुस्ताको पहिलो रोजाइमा क्याफे पर्ने गरेका छन् । सामाजिक सञ्जालमार्फत यसको प्रचारले क्याफे प्रति थप आकर्षण बढाएको छ । 

क्याफे अपस्टेयर्स

क्याफे अपस्टेयर्स इटहरीको पहिलो क्याफे हो । ४ वर्ष अघि सुरु भएको क्याफे अनौपचारिक भेटघाटको केन्द्र हो। हस्पिटालिटीमा सुरुदेखि नै ध्यान दिएको क्याफेले छोटो समयमा आफ्ना नियमित ग्राहक बनाइसकेको छ । अस्ट्रेलियामा लामो समय हस्पिटालिटी म्यानेजमेन्टसम्बन्धी अध्ययन गरेर आएका पृथ्वी पराजुली लगायतका युवाहरूको नयाँ सुरुवात हो अपस्टेयर्स । सञ्चालक पराजुलीका अनुसार पहिलो पटक भ्रमण गरेका ग्राहकै कारण अहिले सम्म व्यापार बढिरहेको छ ।

अनौपचारिक तर कलात्मक आकृतिमा ध्यान दिइएको यस क्याफेको हस्पीटालीटी मुख्य आकर्षण हो । भारतीय परीकार पाइने मुम्बई मसलाले थप आकर्षण बढाएको छ । सेमी फर्मल डेकोरेसन रहेको यस क्याफेले ग्राहकको गुनासोको सम्बोधन सबैभन्दा छिटो गर्ने गरेको छ । गुगल रिम्भुमा पनि क्याफेको लोकेसन र सर्भिस राम्रो भएको देखिन्छ । धेरैले परीकार र डेकोरेसनको धेरैले खुलेर प्रशंसा गरेका छन् । 

बिशेषगरी हस्पीटालीटी र प्रडक्टमा ध्यान दिएर आफूहरू अगाडी बढेको सञ्चालक न्युहु कोयु बताउँछन् । पहिला कफी खान आनाकानी गर्नेहरू पछिल्लो समय कफी पारखीको रूपमा ग्राहक बनेको उनको भनाइ छ । गुगल रेभ्युमा पनि अनौपचारिक डेकोरेशनको खुबै प्रशंसा भएको छ । चाँडो र मिठो सेवा दिने कुरालाई धेरैले राम्रो मानेका छन् ।

सञ्चालक पृथ्वी पराजुलीका अनुसार ५ जना बढीले नियमित रोजगारी पाइरहेका छन् । बजारको केन्द्रमै पर्ने भएकोले सामान्य देखी विशिष्ट ग्राहकहरूको गन्तब्य हो ग्राउण्डस् । पार्किङको राम्रो व्यवस्था भएकाले पनि ग्राउण्डस् धेरै भिडभाड हुने क्याफेमा पर्छ । गुगल रेम्भुले कफीको बिन्स धेरै राम्रो र स्वादिलो भएको पाइन्छ । इटहरीको लागी उपयुक्त लोकेसन भएको भन्दै धेरैले थ्री स्टार दिएका छन् । 

मुख्यतः युवा पुस्तालाई केन्द्रित गरिएको क्याफेमा स्मोक विथ कफीलाई प्राथमिकता दिइएको छ । स्मोकीङ गर्दै कफि पिउने पारखीको रोजाइमा पर्न सफल भएको मंक एण्ड पंक । कफी सँगै चिया पनि पाइने भएकोले यस क्याफेलाई च्याफेको नामले समेत चिनिन्छ । 

“परिश्रम गर्ने भनेकै देशमा हो, विदेश त हेर्न घुम्न मात्र जाने हो ।” र “केही मिठो बात गर, वाइफाई त घरमै छ ” भन्ने वाक्यम्सले धेरैको ध्यान खिचेको छ । माटोको कपमा चिया खाने र शान्त वातावरणमा भेटघाट गर्न चाहनेको लागी उपयुक्त गन्तव्य हो क्याफे डी स्टेडियम ।

आफ्नै विद्यार्थीले बनाएका उत्पादन बिक्री गर्ने मुख्य उद्देश्य रहेको क्याफेले चाडै आफ्ना निजी ग्राहक बनाएको बताउँछन् सञ्चालक सुनिल भुसाल। पछिल्लो समय इटहरीमा क्याफेको सङ्ख्या बढिरहेको तर कारोबारमा भने खासै सुधार नआएको उनको भनाई छ । लामो समय धैर्य गर्ने युवाहरूको लागी लाभदायक मानिने यो व्यवसाय ढिलो प्रतिफल दिने मध्येमा पर्ने उनको बुझाई छ ।