- समय
२०७६ सालमा काठमाडौँ मन्डला थिएटरमा एक नाटक प्रहसन भयो । भारतीय नाटककार मन्नु भण्डारीद्वारा लिखित "महाभोज" लाई अनुप बरालले निर्देशन गरेका थिए। एक दलित युवाको मृत्यु पछि सृजित घटना माथि हुने राजनीतिकरण र भागबन्डामा कसरी नेता, कार्यकर्ता, प्रहरी र प्रशासन र पत्रकार रमाउछ्न भनेर नाटकले प्रष्ट देखाएको छ । नाटकमा वास्तविक हत्यारा वा अपराधीलाई कसरी बचाउ गरिन्छ भन्ने राम्रो प्रस्तुति छ ।
महाभोजमा पीडित बाहेक सबै रमाउछ्न् । सबैलाई भागबन्डा लाग्छ । सबैले आ-आफ्नो औकात अनुसारको भाग पाउँछन् । पद, पैसा, बढुवा, नियुक्ति लगायतमा फाइदा लिन्छन्
महाभोज यहाँ थिएटरको नाटकमा मात्र सीमित छैन। वास्तविक महाभोज हरेक ठाउँमा छ । नाटकमा एक दलित युवाको लास माथिको कहानी छ। वास्तविकतामा कुलो-पैनी, चौतारी, स्कुल-कलेज व्यवस्थापन समिति, बाटो-पुल उपभोक्ता समिति, सबै तिर महाभोज नै महाभोज छ। र यस महाभोजमा सम्पूर्णले आफ्नो औकात अनुरूपको भाग लिएकै छन्।
पुरानाले काम गरेनन् भन्ने नयाँहरू, बुढाले काम गरेनन् भन्ने युवाहरू, नपढेकाले काम गरेनन् भन्ने विद्वानहरू,पत्रकारिता निष्पक्ष भएन भन्ने निष्पक्ष पत्रकारहरू, नयाँ बिचार बोक्ने पुरानाहरू, पुराना बिचार बोक्ने नयाँहरू सबैले "महाभोज" मा आफ्नो हिस्सा लिएका छन्।
अहिले पनि यदाकदा महाभोज लागिरहेको जस्तो लाग्छ । सुन्दै छु मेरो सहरमा यस्तै "महाभोज" लागिरहेको छ रे ! महँगो महाभोज।
