धरान : धरानका २९ वर्षीय कमल मिया, विराटनगर-१५ का २१ वर्षीय सेफ्ला अन्सारी, सुन्दरहरैचा-५ का २४ वर्षीय विशाल शाक्यलाई मङ्गलवार लागुऔषध सहित विराटनगरमा पक्राउ गरेको छ ।

उनीहरूलाई लागुऔषध नियन्त्रण ब्युरो विराटनगर र इलाका प्रहरी कार्यालय रानीको प्रहरी टोलीले पक्राउ गरेको कोशी प्रदेश प्रहरी कार्यालय विराटनगरले जनाएको छ ।

प्रहरीले उनीहरूबाट १ ग्राम ४ मिलिग्राम ब्राउन सुगर, प्रतिबन्धित औषधी ३४ एम्पुल बरामद गरेको छ ।

यसैगरी अर्जुनधारा-११ का ४८ वर्षीय रविन तामाङलाई लागुऔषध नियन्त्रण ब्युरो काँकडभिट्टाको प्रहरी टोलीले १ ग्राम २९० मिलिग्राम ब्राउन सुगर सहित पक्राउ गरेको छ ।

साथै पाँचथरको तुम्वेवा गाउँपालिका-३ का १९ वर्षीय विवश सम्वाहाम्फे र फिदिम-१ का १८ वर्षीय क्षितिज बराइलीलाई प्रतिबन्धित लागुऔषध सहित पाँचथर जिल्ला प्रहरी कार्यालयको प्रहरी टोलीले पक्राउ गरेको छ ।

उनीहरूबाट प्रहरीले प्रतिबन्धित लागुऔषधी ट्रामाडोल १६ क्याप्सुल र गाँजा १०० ग्राम बरामद गरेको छ ।

यसैबिच सुनसरीको दुहबी-११ मा इलाका प्रहरी कार्यालय दुहबी र अस्थायी प्रहरी चौकी तनुमनाको प्रहरी टोलीले बेवारिसे अवस्थाको २६ प ६४८४ नम्बरको मोटरसाइकलमा काटुनमा राखिएको ३९ केजी २३ ग्राम गाँजा बरामद गरेको छ ।