रौतहट: भारतीय नम्बर प्लेटको मोटरसाइकलमा आएका समुहले रौतहटको सिमावर्ती मठिया प्रहरी चौकीमा बम प्रहार गरेको छ ।
बम बिष्फोटबाट सेन्ट्रीमा बसेका एक प्रहरी जवान घाइते भएका छन् । प्रहरीले घटनामा संलग्न एक जनालाई पक्राउ गरेको छ । स्थानीय ईशनाथ नगरपालिका ४ नेपाल भारत सिमा क्षेत्रको मठियामास्थित प्रहरी चौकीमा भारतबाट आएका अपराधिक समुहले बम प्रहार गरेको थियो । बम प्रहार गर्ने समुहले बिआर ०५८६५०१ नम्बरको हिरो डिलक्स मोटरसाइकल चढेर आएको प्रहरीको भनाई छ । ती अपराधिक समुहले गरेको बम प्रहारबाट सेन्ट्री डिउटीमा रहेका प्रहरी जवान रन्जित यादव सामान्य घाइते भएका छन् ।
बमको छर्रा लागेर चौकी नजिक रहेको एउटा खसी मरेको छ। प्रहरीका अनुसार बम प्रहार गर्ने भारतको विहार राज्यको ढाकाका २५ बर्षीय चन्दन कुमार पक्राउ परेका छन् । घटनाको विस्तृत विवरण आउन बाँकी नै छ । प्रहरीका अनुसार बम प्रहार गर्न मोटरसाइकलमा २ जना आएका थिए । घटनाको बारेमा अनुसन्धान भइरहेको रौतहट प्रहरीले जनाएको छ। तस्बिर स्रोत: गुगल
