झापा-सिलगुडी पाइपलाइन बिच्छ्याउन अध्ययन सुरू

  • फाल्गुन ५, २०७६
  • ४०४ पटक पढिएको
  • कपुरीन्यूज
alt

झापा : झापाको चारआलीदेखि पश्चिम बंगालको सिलगुडीसम्म पाइपलाइन विछ्याउन प्रारम्भिक अध्ययन सुरू गरिएको छ। भारतीय आयल निगम (आइओसी) ले पाइपलाइन बिच्छ्याउन अध्ययन सुरू गरेको हो।

पाइपलाइन कहाँबाट ल्याउन छिटो तथा सजिलो हुन्छ भनेर प्रारम्भिक तहको अध्ययन थालिएको नेपाल आयल निगमका चारआली कार्यलय प्रमुख विपिन श्रेष्ठले बताए।

उनका अनुसार टोलीले नेपाल तर्फको क्षेत्रमा अध्ययन गरेको छ। अर्को टोली आएर पुन अध्ययन गरिने उनले जानकारी दिए। ‘दुई टोली आएर प्रारम्भिक चरणको अध्ययन गरेपछि उक्त अध्ययनको आधारमा कहाँबाट पाइपलाइन विच्छ्याउँने भन्ने ठाउँ फाइनल हुन्छ,’ उनले भने। पुस २८ गते नयाँ दिल्लीमा नेपाल-भारत पेट्रोलियम तथा प्राकृतिक ग्याससम्बन्धी ‘ज्वाइन्ट वर्किङ ग्रुप’ को सहसचिवस्तरीय बैठकमा उद्योग, वाणिज्य तथा आपूर्ति मन्त्रालले झापाको चारआलीदेखि पश्चिम बंगालको सिलगुडीसम्म पेट्रोलियम पाइपलाइन बिच्छ्याउन प्रस्ताव राखेको थियो।

प्रस्तावमा भारतीय वाणिज्य तथा आपूर्ति मन्त्रालयले यसमा अध्ययन गर्ने जवाफ दिएको थियो। सोही अनुरूप अध्ययन सुरू भएको हो। टोलीले प्रि-भिजिविलिटी अध्ययन गरेर निकालेको प्रतिवेदनका आधारमा पेट्रोलियम पाइपलाइन बिच्छ्याउने काम अघि बढ्ने छ।

पेट्रोलियम आयात सहज बनाउन झापाको चारआलीदेखि पश्चिम बंगालको सिलगुडीसम्म अन्तरदेशीय पेट्रोलियम पाइप लाइन निर्माण गर्न लागिएको हो। चारआलीदेखि पश्चिम बंगालको सिलीगुडीसम्म पाइपलाइन मार्फत पेट्रोल ल्याउन सकिए निगमको ढुवानी खर्च बच्ने छ। नेपाल र भारतको संयुक्त लगानीमा मोतीहारी-अमलेखगन्ज अन्तरदेशीय पेट्रोलियम पाइपलाइन निर्माण सम्पन्न भई भदौदेखि निगमले पाइपबाट डिजेल आयात गरिरहेको छ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • बिनय बाह्रकोटी (ईटहरी)
  • कृष्ण 'बहाब' भट्टराई (इटहरी)
  • अर्जुन काफ्ले (पथरी)
  • केशवराज भण्डारी (बिर्तामोड)
  • बिज्ञापन प्रमुख सुजन खत्री (९८०७०९२०९७)

Copyright © 2018 / 2020 - Kapurinews.com All rights reserved