धरान : नेपाली कांग्रेसका केन्द्रीय सदस्य महेश आचार्यले मंसिर १४ गते सम्पन हुने निर्वाचनमा नेकपाले सरकारको दुरुपयोग गर्ने सक्ने बताएका छन् ।

धरानमा सोमबार अगुवा कार्यकर्ताहरुसंगको छलफलमा बोल्दै पूर्व अर्थमन्त्री तथा नेपाली कांग्रेसका प्रभावशाली नेता समेत रहेका आचार्यले नेपाल कम्युनिस्ट पार्टी (नेकपा) सरकारमा भएकोले चुनावको परिणाम आफ्नो पक्षमा ल्याउन निर्वाचन आचारसंहिताको विरुद्ध पनि कार्य गर्नसक्ने भन्दै कार्यकर्ताहरुलाई सजक रहन आहग्र गरे । निर्वाचन नजिकिदै जाँदा धरानमा कांग्रेसको माहोल र जनलहर बढेको आचार्यले बताए । उनले भने ‘धरानको माहोल देखेर नेकपा आत्तिएको छ ।’ उनिहरु हार्छु भनेर आत्तिसकेकोले पैसाको चलखेल गरे तुरुन्त पार्टीका केन्द्रिय सदस्य रमेश लेखकको संयोजकत्वमा रहेको निर्वाचन अनुगमन समितिलाई खबर गरि समन्वय गर्न आग्रह गरे ।

उपनिर्वाचनमा नेकपाको सरकारविरद्ध जनलहर बढेका कारण कांग्रेसले गत निर्वाचन २०७४ मा पराजित भएको बदला यसपालीको चुनावबाट लिने बताए ।