इलाका प्रहरी कार्यालय उर्लाबारी तनावग्रस्त, मृतकका आफन्त र छिमेकीद्वारा नाराबाजी सहित प्रदर्शन

  • फाल्गुन १०, २०७७
  • ११४३ पटक पढिएको
  • कपुरी न्यूज
alt

उर्लाबारी  : गत पुस ५ गते मृत फेला परेका उर्लाबारी ६ का ३१ वर्षीय युवा प्रवीण बास्तोलाको हत्या भएको भन्दै मृतकका परिबार आन्दोलित बनेका छन् । आइतबार प्रहरी कार्यालय उर्लाबारी पुगेका उनीहरूलाई प्रहरीले बल प्रयोग गरी हटाएपछि आज पुन उनीहरू प्रहरी कार्यालय अगाडी प्रदर्शन र नाराबाजी गरिरहेका छन् ।

घटनाको मिसिल बनाउँदा प्रहरीले मृतकको सट्टामा अर्कै ब्यक्तीको तस्बिर राखेको मृतककी बहिनी सदिक्षा बास्तोलाले बताएकी छन् । यस्तै मृतकका ज्वाइँ दीपेन्द्र पौडेलले यो घटनामा प्रहरीको पनि मिलेमतोको आशङ्का गरेका छन् । उनले घटनालाई कमजोर पार्न खोजेर प्रहरीले न्याय मारेको उनले बताए ।

यसैबिच, इलाका प्रहरी कार्यालय उर्लाबारीका प्रमुख प्रहरी निरीक्षक उद्धव पोखरेलले प्रहरीले घटनामा कुनै कमी कमजोरी नगरेको बताएका छन् । उनले प्रहरीले गरेको अनुसन्धानमाथि शङ्का नगर्न पनि आग्रह गरेका छन् । मृतकका परिवारले किटानी जाहेरी दिएपछि जोरहीका आधारमा पक्राउ परेका ब्यक्तीहरुलाई सरकारी वकिलको कार्यालयसम्म पुर्‍याएको र ठोस सबुत प्रमाणको अभावमा उनीहरूलाई सफाइ दिएको उनको भनाइ छ ।

अहिले पनि मृतकका आफन्त तथा छिमेकीहरूले इलाका प्रहरी कार्यालय उर्लाबारी अगाडी प्रदर्शन र नाराबाजी गरिरहेका छन् । अहिले केहिबेरमा मृतकका परिवार तथा आफन्तसँग प्रहरीले छलफल गर्न लागेको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2021 - Kapurinews.com All rights reserved