धरान : साहित्यकार, पत्रकार गिरिराज आचार्य हेटौडामा नगद सहित सम्मानित भएका छन् । मातृभूमि साहित्य समाजद्वारा गत: बिहीबार आयोजित कार्यक्रममा आचार्यलाई १५ हजार रुपैयाँ सहित मञ्जु सुवेदी स्मृति मातृभूमि सम्मान गरिएको हो ।
प्रमुख अतिथि वरिष्ठ समालोचक डा. ज्ञानु अधिकारीद्वारा प्रदान गरिएको उक्त सम्मान तथा पुरस्कार साहित्यकार, प्राध्यापक कृष्ण दाहालले पत्नीको नाममा स्थापना गरेका हुन ।
सम्मान कार्यक्रमको सभापतित्व कृष्ण दाहालले गरेका थिए । उनले आचार्य एवं श्रीमती नीरजालाई माल्यार्पण गरे । कार्यक्रममा उपसभापति हेमन्त ढुङ्गेलले स्वागत भाषणमा साहित्यकार आचार्यका योगदानका बारेमा चर्चा गरे ।
आचार्यलाई विगत ५ दशक देखी अविच्छिन्न रूपमा उपन्यास, नाटक, कथा, कविता लेखन एवं कृति प्रकाशन गर्दै नेपाली साहित्यको श्रीवृद्धिमा योगदान पुर्याएकोमा सम्मानित गरिएको आचार्यलाई प्रदान गरिएको सम्मानपत्रमा उल्लेख छ ।
