इटहरी : नेकपाका युवा नेता योगेश भट्टराईले प्रधानमन्त्री केपी ओलीको पक्षमा लाग्नु नर्क जानू सरह रहेको बताएका छन् ।

प्रचण्ड नेपाल समूहले इटहरीमा आयोजना गरेको कार्यकर्ता भेटघाट कार्यक्रमलाई सम्बोधन गर्दै उनले ओलीको प्रतिगमनको विरुद्धमा लाग्न कार्यकर्तालाई आग्रह गरे ।

कम्युनिस्ट पार्टीको कार्यकर्ता बिचार र सिद्धान्त बाट निर्देशित हुने बताउँदै उनले छलफल र संवाद बाट भाग्नेको पक्षमा लाग्न नहुने तर्क गरे । “प्रधानमन्त्री ओली मनपरी र स्वेच्छाचारी ढङ्गले अगाडी बढ्नु भएको छ । उनले भने, विवेकशील मान्छेले प्रधानमन्त्रीको हुकुम मान्न सक्दैनन् ।“

पार्टीको स्थायी कमिटीमा छलफल गरौँ भन्दा भाग्ने काम गरेको भन्दै उनले आफू माथि उठेका प्रश्नको जवाफ माग्दा संसद् विघटन गर्ने दुस्साहस गरेको बताए ।

“अहिले दुवै समूहबाट भएका कार्यक्रममा कति श्रम र खर्च लगानी भएको छ रु यदि केही दिन छलफल गर्दिएको भए यत्रो रुवावासी गर्नुपर्ने थिएन । उनले भने, प्रत्येक पार्टी नेता तथा सदस्यले इज्जतको साथ काम गर्ने वातावरण होस । उमेर हद लगाएर एउटा व्यक्ति २ पटक भन्दा बढी प्रधानमन्त्री बन्न नसक्ने व्यवस्था गरौँ भन्ने मेरो बुझाइ छ ।“

अहिलेको लडाइ प्रचण्ड नेपाल र ओली बिचको नभई प्रतिगामी कदमको विरुद्धको आवाज रहेको बताए । सूर्य चिन्ह कसले पाउने भन्ने बारे राजनैतिक दल सम्बन्धी ऐन को दफा ४४ ले भने अनुसार हुने उनको भनाइ छ ।