धरान : धरान १५ को हिविस्कस इङ्लिस बोर्डिङ स्कुलका विद्यार्थीहरूले एक दिनको खाजा खर्च बचाएर रसुवा बाढीपीडितका लागि प्रधानमन्त्री उद्धार कोषका लागि पैसा जम्मा गरेका छन् ।
हिविस्कस बाल क्लबले बुधवार प्रधानमन्त्री उद्धार कोषका लागि विद्यार्थीहरूबाट सहयोग सङ्कलन गरेको हो । क्लबका पूर्व अध्यक्ष प्रज्ञान राईका अनुसार विद्यार्थीहरूले खाजा खर्चबाट दिएको रकम कुल २० हजार ६९० रुपैयाँ सङ्कलन भएको छ ।
उक्त रकममा विद्यालयका शिक्षक, कर्मचारीले एक दिनको तलब बापत २२ हजार ५८० रुपैयाँ र विद्यालयले २७ हजार ४२० रुपैयाँ थप गरी कुल ७० हजार ६ सय ९० रुपैयाँ प्रधानमन्त्री दैवी प्रकोप उद्धार कोषमा जम्मा गरिने प्रबन्ध निर्देशक गङ्गाराम राईले बताए ।