वराहक्षेत्र : सुनसरीको वराहक्षेत्र नगरपालिकाले वडा कार्यालयमा रहेका वडा स्तरीय मेलमिलापकर्ताहरूलाई मेलमिलाप सम्बन्धी पूनर्ताजगि तालिम आयोजना गरेको छ ।

नगरपालिकाको वार्षिक स्वीकृत कार्यक्रम अनुसार वडा कार्यालयमा रहनु भएका वडा स्तरीय मेलमिलापकर्ताहरूलाई मेलमिलाप सम्बन्धी पूनर्ताजगि तालिम आयोजना गरिएको नगरपालिकाका सामाजिक विकास शाखाका प्रमुख अरुण मेहताले बताए ।

"हाम्रो समस्या हाम्रै समाधान : मेलमिलाप " भन्ने मूल नारा सहित बिहीबारदेखि सुरु तालिम ३ दिनसम्म सञ्चालन हुनेछ । तालिमको सहजीकरण हाम्रो साझा अभियान नेपाल र प्रशिक्षण अधिवक्ता मेघराज न्यौपानेले गर्नेछन् ।