अनलाइन कक्षाको शुल्क नलिन बेलबारीको निर्देशन

  • जेठ ८, २०७७
  • ४७६ पटक पढिएको
  • कपुरी न्यूज
alt

इटहरी : लकडाउनको समयमा अनलाइन कक्षा सञ्चालन गरिरहेका विद्यालयले शुल्क माग्न थालेको गुनासो बढेसँगै बेलबारी नगरपालिकाले कुनै पनि वैकल्पिक शिक्षाको नाममा पैसा लिन नपाउने निर्णय गरेको छ ।

गत जेठ ५ गते बसेको शिक्षा समितिको बैठकले कोभिड १९ को संक्रमणकालीन अवस्थामा विद्यार्थीलाई भर्चुअल (अनलाइन) कक्षा सञ्चालन गरेबापतको शुल्क लिन नपाउने निर्णय गरेको हो ।

लकडाउनको समयमा कक्षा अनलाइन कक्षा सञ्चालन गर्ने भन्दै विभिन्न विद्यालयहरूले अभिभावक तथा विद्यार्थीलाई अनावश्यक दवाब दिन थालेको गुनासो बढिरहेको छ । इन्टरनेटको पहुँच बाहिरका विद्यार्थीलाई समेत इन्टरनेट, ल्यापटप मोबाइल लगायत सामग्री व्यवस्थापन गर्न दबाब दिँदै आएका छन् ।

सोही विषयलाई मध्यनजर गर्दै बेलबारी नगरपालिकाले विद्यार्थीलाई अनावश्यक दाबाब दिएर ल्यापटप, मोबाइल व्यवस्थापन गर्न र अनलाइन कक्षा सञ्चालन गरेबापतको शुल्क लिने नपाइने गरी बिद्यालयहरुलाई परिपत्र गरेको हो । यस्तो महामारीको समयमा विद्यार्थीलाई कुनै न कुनै माध्यमबाट शिक्षा दिनु अपरिहार्य रहेको पत्रमा उल्लेख गरिएको छ ।Belbari-Education

उपमेयर तारा पराजुलीका अनुसार बेलबारी नगरपालिका भित्र अहिलेसम्म अभिभावकबाट शुल्क लिएको गुनासो नआएको र भोलीपनि त्यस्तो गुनासो नआओस् भन्नको लागि अगाडी नै निर्णय गरेको हो ।

गरिब र प्रविधिमा पहुँच नभएका अभिभावकलाई आफ्ना बालबच्चा कमजोर भए भन्ने अनुभूति नहोस् भन्नको लागी पनि नगरपालिका सचेत भएको उनको भनाई छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved