बिपीको ल्याबबाट १० हजार १ सय २३ वटा स्याम्पलको परीक्षण, प्रतिष्ठानबाट २ सय जना कोरोना सङ्क्रमित निको भएर घर फर्किए

  • असार २०, २०७७
  • ३३० पटक पढिएको
  • कपुरी न्युज
alt

धरान : बीपी कोइराला स्वास्थ्य विज्ञान प्रतिष्ठान धरानबाट कोरोना परीक्षण सुरु भए देखि अहिले सम्म आई पुग्दा १० हजार १ सय २३ जनाको पिसिआर परीक्षण गरेको छ ।

बीपी कोइराला स्वास्थ्य विज्ञान प्रतिष्ठान धरानका प्रवक्ता डा. निदेश सापकोटाले दिएको जानकारी अनुसार अहिले सम्म प्रतिष्ठानको ल्याबमा १० हजार १ सय २३ जनाको थ्रोट स्वाबको स्याम्पल परीक्षण गरिएको मध्ये २ सय ६५ जनाको कोरोना पोजेटिभ रिपोर्ट आएको छ । परीक्षण गरेका मध्ये ९ हजार ८ सय ५८ जनाको कोरोना नभएको कोरोना नेगेटिभ रिपोर्ट आएको बताइएको छ ।

प्रतिष्ठानको ल्याबमा अहिले पछिल्लो समय दैनिक एक सिफ्टमा २ सय ५० देखि ३ सय वटा स्याम्पलको नमुनाहरू परीक्षण गर्ने गरेको प्रवक्ता डा. सापकोटाले जानकारी दिएका छन् ।

बीपीबाट २ सय जना कोरोना सङ्क्रमित निको भएर घर फर्किए
धरान बीपी कोइराला स्वास्थ्य विज्ञान प्रतिष्ठान धरानबाट आज २ जना कोरोना सङ्क्रमित बिरामीले कोरोना जितेर घर फर्किएका छन् ।

यो संगै बीपी कोइराला स्वास्थ्य विज्ञान प्रतिष्ठान धरानबाट कोरोना जितेर घर फर्किनेको कुल सङ्ख्या २ सय पुगेको छ ।

यो सँगै बीपी कोइराला स्वास्थ्य विज्ञान प्रतिष्ठान धरानबाट आज झापाका २ जना कोरोना सङ्क्रमित महिलाको पछिल्लो पिसिआर परीक्षणमा नेगेटिभ रिपोर्ट आएकोले स्वास्थ्य प्रोटोकल अनुसार उनीहरूलाई अस्पतालबाट डिस्चार्ज गरी घर पठाइएको प्रतिष्ठानले जनाएको छ ।

प्रतिष्ठानमा आज मात्रै नयाँ कोरोना सङ्क्रमित १६ जना भर्ना भएका छन् भने अहिले ५० जना आइसोलेसनमा उपचाररत रहेको बताइएको छ ।

BP-Corona-Isolation

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved