पत्रकार महासङ्घ सुनसरीद्वारा ६६ पत्रकारलाई लेखनवृत्ती पारिश्रमिक वितरण

  • असार २०, २०७७
  • ३८१ पटक पढिएको
  • कपुरी न्यूज
alt

इटहरी : नेपाल पत्रकार महासङ्घ सुनसरीले पत्रकारको लेखन क्षमता अभिवृद्धि गर्ने उद्देश्यले आयोजना गरेको लेखनवृत्ती परियोजना सम्पन्न भएको छ । सो परियोजनामा आबद्ध भएका सुनसरीका ६६ पत्रकारलाई पारिश्रमिक वितरण गरिएको हो ।

सुनसरीका धरान, इटहरी उपमहानगरपालिका र रामधुनी र इनरुवा नगरपालिकाको आर्थिक सहयोगमा सम्पन्न परियोजनाको पारिश्रमिक हस्तान्तरण गरिएको महासङ्घ सुनसरीले जनाएको छ ।
विगत ३ वर्ष देखी जारी लेखनवृत्ती परियोजनाको तेस्रो वर्षमा ६६ पत्रकार सहभागी भएको महासङ्घका सुनसरी अध्यक्ष अमर खड्काले बताए । इटहरीमा २७ जना, धरानमा २२, इनरुवामा १० र रामधुनीमा ७ जनाले लेखनवृत्तीमा सहभागिता जनाएको उनले बताए ।

इटहरी उपमहानगरपालिकाको २ लाख ५० हजार, धरानको ३ लाख र इनरुवा नगरपालिकाको १ लाख र रामधुनीको केही कम रकम सहयोगमा परियोजना सम्पन्न गरिएको खड्काले बताए ।

आफू महासङ्घको अध्यक्ष भएपछि पत्रकार कोलागि केही रचनात्मक काम गर्ने योजना बनेपछि लेखनवृत्ती सुरुवात गरिएको उनले जानकारी दिए । पहिलो वर्ष धरान, इटहरी, दुहबी, इनरुवा र बराहक्षेत्रमा परियोजना सञ्चालन भएको थियो । भने दोस्रो वर्ष धरान र इटहरीमा मात्र परियोजना सञ्चालन भएको अध्यक्ष खड्का बताउँछन् ।

नियमित रिपोर्टिङ गर्ने पत्रकारको क्षमता बढाउने र खोजमूलक समाचार सङ्कलन गर्ने बानीको विकास गराउने उद्देश्यले परियोजना सञ्चालनमा ल्याइएको उनको भनाइ छ । यसलाई अझै परिष्कृत बनाउनको लागी लेखवृत्तीको फारम देखिनै छनौट प्रक्रिया स्तरीय बनाउँदै लैजाने योजना रहेको उनले सुनाए ।

 

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved