धरान : धरान ५ स्थित हिमाली माविका प्रधानाध्यापक एम कुमार खत्री विद्यालयमा भएको नेपाली काँग्रेसको वडा भेलामा सहभागी भएको आरोप लगाई शिक्षा महाशाखामा बेनामे उजुरी परेको छ ।
नेपाली काँग्रेसको पन्धौं महाधिवेशनको असोज ४ गते आइतवार वडा अधिवेशन थियो । शिक्षा महाशाखा प्रमुख ध्रुव खड्काले मङ्गलवार महाशाखामा बेनामे उजुरी परेको बताए ।
उनका अनुसार उजुरीमा प्रअ खत्रीले शिक्षा ऐन, नियमावली आचारसंहिता उल्लङ्घन गरेकोमा सत्य तथ्य पत्ता लगाउन र आरोप पुष्टि भए कारबाही गर्न माग गरिएको छ ।
