निजी विद्यालयका सञ्चालकहरूले बुझाए उपमहानगरपालिकालाई अनुरोधपत्र

  • असार २५, २०७७
  • ७२१ पटक पढिएको
alt

धरान : धरान उपमहानगरपालिकाका रहेका निजी विद्यालयका सञ्चालकहरूले  सामाजिक दुरी कायम गर्दै विद्यालय खोल्न माग गर्दै धरानका मेयर तिलक राईलाई अनुरोधपत्र बुझाएका छन् ।

उनीहरूले सामाजिक दुरी कायम गर्दै विद्यालय खोल्छौं भन्दै सञ्चालनको व्यवस्था कायम गर्न माग गरेका छन् । । एसिसी धरानका अध्यक्ष राजेन्द्र गुरुङ, प्याब्सन अध्यक्ष राजकुमार लिम्बू, एनप्याब्सन अध्यक्ष भगत लिम्बूद्वारा हस्ताक्षरित अनुरोधपत्रमा विद्यालय सामान्य गतिमा सुचारु गर्न अनुरोध गरिएको छ ।

उनीहरूले कक्षाहरू जोरविजोर पद्दतिअनुसार चलाउने, कक्षा–६ देखि पहिलोचरणमा लागू गर्ने र अन्य कक्षाहरू प्रभाव हेरेर सञ्चालन गर्ने जनाइएको छ । यस्तै, साउन १ देखि जोरविजोर रोल नम्बरको आधारमा कक्षा८, ९, १० सञ्चालन गर्ने, दोस्रो हप्तादेखि कक्षा ६ र ७ लाई सञ्चालनमा ल्याउने, तेस्रो हप्तादेखि कक्षा–३, ४ र ५ गते सञ्चालनमा ल्याउने, कक्षा–३ देखि तलका सबै कक्षाहरू परिस्थितिलाई अध्ययन गरेर सञ्चालन गरिने अनुरोध पत्रमा जनाइएको छ ।

‘कक्षा सञ्चालन गर्नुपूर्व विद्यालयलाई सेनिटाइज गरेर नेपाल सरकारले तोकेको सुरक्षा मापदण्डअन्तर्गत हातमा लगाउने सेनिटाइजर, हात धुने व्यवस्था तथा सामाजिक दुरीलाई पूर्णरूपमा पालना गरिनेछ साथै भीडभाडको वातावरण पनि सिर्जना हुने छैन’, पत्रमा भनिएको छ, ‘त्यसैले वातावरण बनाइदिनुहोस् ।’

‘हामीले पनि अहिले नै विद्यालय सञ्चालन गरौं भनिहालेका होइनौं’, एसिसी धरानका अध्यक्ष राजेन्द्र गुरुङले भने, ‘समय, परिस्थिति हेरेर विद्यालय सञ्चालन गरौं भन्ने हो, त्यही भएर मेयरलाई खाका तयार गरेका दिएका हौं, यसमा मेयर पनि पोजेटिभ हुनुहुन्छ । मेयर राइले विद्यालय अहिलेको अवस्थामा सञ्चालन गर्न नसकेपनि समय र परिस्थितिअनुसार खाकाअनुसार अघि बढ्न सकिने बताएकाछन। ’ paper-1paper2

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved