शुक्रवारको कार्यपालिका बैठक सहमतिमै स्थगित गरिएको मेयर राईको दाबी, नेकपाका वडाध्यक्ष भन्छन् “हामीले बहिष्कार गर्‍यौ”

  • असार २६, २०७७
  • ७४४ पटक पढिएको
  • कपुरी न्युज
alt

धरान : धरान उपमहानगरपालिकाको आज बसेको कार्यपालिका बैठक नेकपा पक्षका वडाध्यक्षले बहिष्कार गरेको नभएर सहमतिमा बैठक स्थगित भएको धरान उपमहानगरपालिकाका मेयर तिलक राईले बताएका छन् ।

गएको असार १० गते स्थगित भएको सातौँ नगर सभा तोकिएको मिति आज हुनुपर्नेमा आज कार्यपालिका बैठक बोलाइएकोमा कार्यपालिका बैठकमा नेकपाका वडाध्यक्षले बैठकमा मेयरको २ लाख ४१ हजार बेरुजु पाइएको समाचार प्रति प्रश्न उठाएका थिए । बेरुजुको बारेमा मेयरबाट चित्तबुझ्दो उत्तर नआएपछि नेकपाका वडाध्यक्षहरूले कार्यपालिका बैठक बहिष्कार गरेर बैठक कक्षबाट बाहिरिएको ९ नम्बर वडाध्यक्ष रत्नबहादुर कटुवालले बताए ।

कार्यपालिका बैठकको निर्धारित समय भन्दा १ घण्टा ढिलो मात्रै उपस्थित भएका मेयर राईले कार्यपालिका बैठकमा बेरुजुको बारेमा चित्तबुझ्दो उत्तर नदिएकोले बहिष्कार को कुरा गर्दा मेयर राईले भने सहमतिमा बैठक स्थगित भएको दाबी गरे । उनले भने “मेरोमा मात्रै होइन अरूमा पनि यस्तो बेरुजु हुन सक्छ । मेरो नामको बेरुजु फरछौट भएर मात्रै बैठक बस्ने गरी सहमतिमा बैठक स्थगित भएको हो अरू केही होइन ।” आफ्नो नाममा रहेको बेरुजु फरछौटको लागि प्रक्रिया अघि बढीसकेकोले अव आइतबार सम्ममा कार्यपालिका बैठक बसेर कहिले स्थगित नगर सभा गर्ने भन्ने बारेमा निर्णय हुने मेयर राईले बताए ।

यता नेकपाले भोलि बिहान आफ्ना वडाध्यक्षहरूलाई पार्टी कार्यालयमा बैठकको लागि बोलाएको छ । त्यो बैठकले पनि कार्यपालिका बैठकको बारेमा निर्णय गर्ने बताइएको छ । नेकपा पक्षका कार्यपालिका सदस्यहरूको भूमिकाको बारेमा छलफल हुने बताइएको छ ।

धरान उपमहानगरपालिकाको सातौँ नगर सभा असार १० गते उद्घाटन भई नीति तथा कार्यक्रम प्रस्तुत भएर स्थगित गरिएको थियो । प्रस्तुत नीति तथा कार्यक्रम अझै पास भएको छैन । यसका लागि नगर सभा हुनुपर्ने हुन्छ । त्यही नगर सभा कहिले हुने हो भन्ने अन्योल कायमै रहेको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved