शुक्रबारदेखि धरान बाहिरबाट तीन पाङ्ग्रे सवारी प्रवेश र बाहिरिनमा रोक धरानका सबै होटल तथा रेष्टुरामा होम प्याकिङको व्यवस्था हुनुपर्ने

  • श्रावण १५, २०७७
  • २९६४ पटक पढिएको
  • कपुरी न्युज
alt

धरान : धरान उपमहानगरपालिकामा कोरोना सङ्क्रमणको जोखिम बढेको भन्दै शुक्रबारदेखि धरान आउने तीन पाङ्ग्रे सवारी साधनलाई प्रवेश र बाहिरिनमा रोक लगाउने भएको छ ।

बिहिवार बसेको सर्वदलीय बैठकपछि धरान उपमहानगरपालिकाले एक सूचना जारी गरी सो कुराको जानकारी गराएको हो । सूचनामा अत्यावश्यक खाद्यान्न तथा औषधी बाहेक सबै किसिमका पसलहरूमा सामाजिक दुरी कायम गरी पसलको प्रवेश द्वारमा सेवाग्राहीका लागि अनिवार्य रूपमा डोरी टाँग्ने साथै साबुन पानी र सेनिटाईजर राखी बिहान ९ बजे देखी बेलुकी ५ बजे सम्म मात्र पसल खोल्ने पनि भनिएको छ ।

सबै प्रकारका होटेल तथा रेस्टुराहरुमा सेवाग्राहीका लागि होम प्याकिङको व्यवस्था गर्नुपर्ने नगरका सबै पसलका व्यापारीले अनिवार्यरुपमा मास्कको प्रयोग गर्ने र आफ्नो पसलमा आउने ग्राहक स्वंमलाई मास्क लगाएर मात्र सामान दिनुपर्ने सूचनामा उल्लेख छ । सार्वजनिक तथा निजी सवारीसाधनको हकमा सामाजिक दुरी कायम राख्ने साथै मास्क, सेनिटाईजरको अनिवार्य प्रयोग गर्न र गराउनुपर्ने उल्लेख छ ।

धरान प्रवेश गर्ने सबै नाकाहरूमा अन्य ठाउँबाट आउने तिन पाङग्रे सवारी साधन (टेम्पो, सिटी सफारी) लाई प्रवेश रोक लगाउने र धरानबाट बाहिर जान समेत पूर्ण रूपमा रोक लगाइने सूचनामा उल्लेख छ । सूचनामा जिल्ला ट्राफिक प्रहरी कार्यालय, धरान, इलाका प्रहरी कार्यालय, धरान, सशस्त्र प्रहरी बल, धरान सुनसरी उद्योग वाणिज्य सङ्घलाई बोधार्थ गरिएको छ ।

Suchana

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved