क्वारेनटाइनबाट कोरोना संक्रमित भागेपछि रामधुनी नगरपालिका लकडाउन

  • श्रावण १८, २०७७
  • ९४७ पटक पढिएको
  • कपुरी न्युज
alt

धरान : सुनसरीको रामधुनी नगरपालिकाको क्वारेनटाइनमा बसेका एक जनामा कोरोना पुष्टि भएका व्यक्ति भागेपछि रामधुनी नगरपालिकामा पनि लकडाउन गरिएको छ ।

रामधुनी नगर क्षेत्रको समुदाय उच्च जोखिममा भएकाले हिजो बेलुका राति १२ बजेदेखि साउन २४ गतेसम्म अत्यावश्यकबाहेक नगर तथा वडाका सम्पूर्ण काम तथा हाटबजार र व्यापार–व्यवसाय बन्द गराउने नगर कार्यपालिकाले निर्णय गरेको छ ।

हिजो एक जना ४० वर्षीय पुरुष क्वारेनटाइनमा बसेकोमा कोरोना पोजेटिभ रिपोर्ट आएको थियो । रिपोर्ट आउनु भन्दा अघि खाना खाएर बिहान ११ बजे क्वारेनटाइनबाट कोरोना संक्रमित पुष्टि भएका व्यक्ति भागेकाले रामधुनी नगरपालिकामा कोरोनाको जोखिम बढेको भन्दै लकडाउन गर्नुपरेको मेयर देवप्रकाश चौधरीले बताए । अहिले उनको खोजी भइरहेको छ । अझै फेला पर्न नसक्दा रामधुनीमा जोखिम बढेकोले लकडाउन सबै नगरबासीले पालना गरिदिनुहुन पनि अनुरोध गरिएको छ ।

कोरोना संक्रमित फरार व्यक्तिकै परिवारका ४ जनामा यस भन्दा अघि कोरोना सङ्क्रमण पुष्टि भएको थियो । उनीहरू भारतको वीरपुरमा आफन्तकोमा विवाह भोजमा सरिक भएर आएको बुझिएको छ । सङ्क्रमितहरू फिरन्ते समुदायको रहेकोले उनीहरूमा कोरोना सङ्क्रमण हुनु र भाग्नुले समुदायमा निकै ठुलो समस्या सिर्जना भएको मेयर चौधरीले बताए । अहिले सम्म रामधुनी नगरपालिकामा कोरोना सङ्क्रमितको सङ्ख्या १० पुगेको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved