प्रेम सञ्जेललाई कुटपिट गर्ने दुई महिलालाई 'अभद्र व्यवहारको मुद्दा ' मा म्याद थप

  • श्रावण १८, २०७७
  • ११७० पटक पढिएको
  • कपुरी न्युज
alt

धरान : श्रम तथा रोजगार कार्यालय विराटनगरका प्रमुख प्रेम सञ्जेललाई कुटपिट गरेको आरोपमा पक्राउ परेका २ महिला कर्मचारीहरूलाई म्याद थप गरेको जिल्ला प्रहरी कार्यालय मोरङका प्रहरी प्रमुख सन्तोष खड्काले जानकारी दिए । 

सञ्जेललाई कुटपिट गरेको आरोपमा पक्राउ परका नेत्र कुमारी भट्टराई र मेनुका कोइरालालाई जिल्ला अदालत मोरङबाट  'अभद्र व्यवहारको मुद्दा' मा ५ दिनको म्याद थप गरि अनुसन्धान भैरहेको खड्काले बताए । उनिहरुले शनिबार ११ बजे सञ्जेललाई कुटपिट गरेका थिए ।सञ्जेललाई कुटपिट गर्ने दुवै जना कर्मचारी करारमा नियुक्त भएका यसै  कार्यालय सहयोगी हुन् ।

महिला कर्मचारीले कुटपिट गरेपछि शनिबार दिउँसो सञ्जेलले मोरङ प्रहरीमा किटान जाहेरी दिएका हुन । शनिबार साँझ दुवै पक्षबिच मोरङ प्रहरी कार्यालयमा छलफल भएको थियो ।

सञ्जेलले सहन नसक्ने गरि अपशब्द बोलेर दुव्र्यवहार गरेको, अनावश्यक रुपमा काममा पेलाउने र जिम्मामै नभएको वस्तुको सुरक्षामाथि प्रश्न उठाएको आरोप लगाउँदै कुटपिट गरेको महिलाहरुको भनाई छ । उनीहरूले सञ्जेललाई टेबुलमाथि राखेको पेपर वेटको डल्लो, नेम प्लेट र पञ्चिङ मेसिन प्रहार गरेका थिए । कुटपिटबाट सञ्जेलको निधार लगायत अनुहारका विभिन्न भागमा चोट लागेको र ओठ फुटेको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved