धरानमा क्वारेनटाइनमा नेगेटिभ रिपोर्ट आएर डिस्चार्ज भएका दुई जनामा कोरोना देखियो

  • श्रावण २६, २०७७
  • ७९९ पटक पढिएको
  • कपुरी न्यूज
alt

धरान : धरानमा आज बिहान कोरोना सङ्क्रमण पुष्टि भएका मध्ये धरान १३ का दुई जना एन्फा क्वारेनटाइनमा नेगेटिभ रिपोर्ट आएर डिस्चार्ज भएका दुई जना भएको बताइएको छ ।

उनीहरू दुबईबाट नेपाल आएपछि चतराको होल्डीङ सेन्टर हुँदै एन्फा क्वारेनटाइनमा बसेर कोरोना परीक्षण गर्दा उनीहरू दुवैको रिपोर्ट कोरोना नभएको आएको थियो । त्यस पछि उनीहरू क्वारेनटाइनबाट डिस्चार्ज भएकोमा आज फेरी उनीहरूमा कोरोना सङ्क्रमण पुष्टि भएको धरान उपमहानगरपालिकाका स्वास्थ्य महाशाखा प्रमुख उमेश मेहेताले बताए ।

कसरी संक्रमित भए त ?
कोरोना संक्रमित पष्टि भएका धरान १३ का दुई जना ३४ र ४३ बर्षिय पुरुष वैदेशिक रोजगारीको सिलसिलामा  दुवाइ पुगेका थिए ।

दुवाइबाट फर्किदा नेपाल सरकारको स्वास्थ्य प्रोटोकल अनुसार नै धरान आए । चतराको होल्डीङ सेन्टर हुँदै एन्फा क्वारेनटाइनमा आई पुगेका उनीहरू क्वारेनटाइनमा बसे । क्वारेनटाइनमा कोरोना परीक्षण गरेपछि उनीहरूमा कोरोना नेगेटिभ रिपोर्ट आएपछि डिस्चार्ज भएर घर जाने तयारीमा थिए । त्यही बेला भारतीय सेनामा कार्यरत भारतीय सेनाका व्यक्तिहरू पनि उनीहरू बसेको कोठामा बस्न आई पुगे ।

उनीहरू खोक्दै पनि थिए र हल्का ज्वरो पनि थियो । ती भारतीय सेनाको कोरोना परिक्षण गर्दा पोजेटिभ रिपोर्ट आएको थियो । उनीहरूलाई डिस्चार्ज नै नगरी अर्को व्यक्तिलाई कोठामा राखेकोले उनीहरू आफै सशङ्कित भएर १३ नम्बर वडा कार्यालयमा पुनः परीक्षणका लागि पुगे । यसरी पुनः परीक्षण गर्दा उनीहरूमा कोरोना पोजेटिभ रिपोर्ट देखिएको धरान १३ का वडाध्यक्ष नेत्रप्रसाद काफ्लेले बताए ।

आज धरानमा थपिएका ९ जना कोरोना संक्रमित मध्ये ३ जना एन्फा क्वारेनटाइनका रहेका छन् भने १ जना होटेल क्वारेनटाइनमा बसेका र २ जना एन्फा क्वारेनटाइनबाट डिस्चार्ज भएर होम क्वारेनटाइनमा बसेका रहेको बताइएको छ । धरान १० का १६ र २० वर्षीय युवती भने समुदायमै संक्रमित भएको बताइएको छ । उनीहरू धरान ८ को क्रन्च जीम हलमा जिम गर्न जाने खुलेको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved