धरान-११ मा युवतीको मृत्यु प्रकरण : केटाका बुवा सहित ४ जना पक्राउ

  • भदौ २४, २०७७
  • ५४३८ पटक पढिएको
  • कपुरी न्यूज
alt

धरान : धरान-११ मा सिंगापुरे लाहुरेसँग विवाह गरेकी २२ बर्षीया युवतीको रहस्यमय मृत्यु भएको भन्दै आज इलाका प्रहरी कार्यालय धरानले ४ जनालाई पक्राउ गरेको छ ।

केही महिना अघि धरान धरान-११ बस्ने आइत माबो सँग विवाह गरेकी सोनीहाङ्मा लिम्बु सोमबार मृत अवस्थामा कोठामा फेला परेकी थिइन् । उनले कोठामा झुन्डिएर आत्महत्या गरिएको भनी प्रहरीलाई खबर गरिएकोमा प्रहरी पुग्नु अघि सोनीहाङ्माको शव झारेर खाटमा राखेको अवस्थामा प्रहरीले फेला पारेको थियो ।

माइती पक्षले पनि सोनीहाङ्माको मृत्यु रहस्यमय भएको भन्दै इलाका प्रहरी कार्यालय धरानमा हिजो किटानी जाहेरी दिएको थियो । त्यही जाहेरीका कारण आज केटा पक्षका केटाका बुवा ६१ वर्षीय भीम माबो, २८ बर्षीया सन्जु माबो, २५ बर्षीया विमला माबो र २० वर्षीय हेमकुमार माबोलाई आज पक्राउ गरिएको इलाका प्रहरी कार्यालय धरानका प्रमुख डिएसपी ज्ञानेन्द्र बस्नेतले बताए ।

पक्राउ परेका उनीहरूलाई भोलि जिल्ला अदालत सुनसरीमा म्याद थप गर्ने इलाका प्रहरी कार्यालय धरानका प्रहरी निरीक्षक हेमराज ओलीले बताए । यता माइती पक्षले पक्राउ नगरी पोस्टमार्टम गर्न नदिने र अनुसन्धानको दायरामा ल्याउन माग गर्दै बिहान छलफल समेत गरेको थियो ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved