धरानमा एक जना थुनुवा र सुधार केन्द्रका १ जना सहित ७ जनामा कोरोना सङ्क्रमण

  • भदौ २९, २०७७
  • ६५४ पटक पढिएको
  • कपुरी न्यूज
alt

धरान : धरानमा आज साँझ इलाका प्रहरी कार्यालय धरानका १ जना थुनुवा सहित लागु औषध उपचार केन्द्र आसरा सुधार केन्द्रका १ जना गरी ७ जनामा कोरोना सङ्क्रमण पुष्टि भएको छ ।

धरान उपमहानगरपालिकाका स्वास्थ्य महाशाखाका प्रमुख उमेश मेहेताका अनुसार धरान ११ की इलाका प्रहरी कार्यालय धरानका १ जना २८ बर्षीया महिला थुनुवा, धरान ६ मा सञ्चालित आसरा सुधार केन्द्रमा लागु औषध उपचारका लागि पुगेका एक जना धरान १० का २२ वर्षीय पुरुषमा कोरोना सङ्क्रमण पुष्टि भएको हो । उनलाई सुधार केन्द्रको छुट्टै क्वारेनटाइनमा राखिएको बताइएको छ ।

यसै गरी धरान ८ बरगामीकी ३७ बर्षीया महिला, धरान १७ का ७३ वर्षीय पुरुष, बीपी कोइराला स्वास्थ्य विज्ञान प्रतिष्ठान धरानको लन्ड्रीका हेल्पर ५३ वर्षीय पुरुष र अर्को लन्ड्रीकै हेल्पर ३५ बर्षीया महिलामा पनि कोरोना सङ्क्रमण पुष्टि भएको छ ।

धरान ८ की महिलाको धरान १७ स्थित एन्फा क्वारेनटाइनमा शुक्रवार स्वाब लिइएको थियो भने अरू सबैको बीपी कोइराला स्वास्थ्य विज्ञान प्रतिष्ठानको हेल्प डेस्कमा स्वाब लिइएको स्वास्थ्य प्रमुख मेहेताले बताए ।
यो सँगै धरानमा कोरोना सङ्क्रमितको सङ्ख्या ३ सय ३१ पुगेको छ ।

आज  भोजपुरबाट ३ दिन अघि धरान आइपुगेका र इलाका प्रहरी कार्यालय धरानकी थुनुवा महिला सङ्क्रमितलाई बीपी कोइराला स्वास्थ्य विज्ञान प्रतिष्ठानको कोभिड आइसोलेसनमा भर्ना गरिएको स्वास्थ्य प्रमुख मेहेताले बताए ।

 

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved