निरन्तरको झरीले आपटारका पहिरो पीडितलाई झन् समस्या

  • आश्विन ७, २०७७
  • ५५८ पटक पढिएको
  • कपुरी न्यूज
alt

धरान : निरन्तरको झरीका कारण धरान २० आपटारका पहिरो पीडितलाई झन् समस्या भएको छ ।

आपटारमा गएको शनिवार पहिरोले घर भासिदा र ७ घर परिवार विस्थापित भएका छन् । उनीहरूलाई सुरक्षित स्थानमा टेन्टमा राखिएको भए पनि निरन्तरको झरीको कारण समस्या हुन थालेको पहिरो पीडित सत्यकुमार राईले बताए ।

पहिरोबाट सत्यकुमार राई, बस्तीलाल राई, सवलमान राई, वीर कुमार राई, रामकुमार राई नन्दलाल यादव र रामकुमार राईको परिवार विस्थापित भएको स्थानीय प्रेमकुमार राईले बताए । पहिरो पीडितका अनुसार भदौ १५ गतेदेखि निरन्तर पहिरो खस्न थालेको थियो । वर्षा पनि निरन्तर भएपछि अहिले ७ घर परिवार शनिवार देखि पुर्णरुपमा विस्थापित भएका छन् ।

बस्ती भएको ठाउँमा जमिनमा धाजा फाटेर घरमा बस्नै नसकिने भएपछि अहिले पहिरो पीडितहरूलाई आपटारको नजिकै सुरक्षित स्थानमा टेन्ट टाँगेर राखिएको छ । टेन्टमा पानी निरन्तर पर्दा बस्न नै समस्या भएको पहिरो पीडितहरूले बताए ।

नेपाली सेना र रेडक्रसले बस्नका लागि टेन्ट लगाई दिएको र खानेपानी, बिजुली लगायत जोडिएकोले खानेपानी र बिजुली बत्तीको समस्या नभए पनि निरन्तरको झरीले भने समस्या निम्त्याएको छ ।

२० नम्बर वडा कार्यालयले राहत दिएको भए पनि काहा घर भए जस्तो त टेन्टमा हुन्छ रु भन्दै सत्यकुमार राईले भने राज्यले हाम्रो समस्याको बेलैमा सम्बोधन गरिदिओस ।

पहिरोले सत्यकुमार राईको १४ कठ्ठा, सवलमान राईको २ कठ्ठा, वीर कुमार राईको ३ कठ्ठा र अरू बस्ती बसेको ऐलानी जग्गामा बस्नै नहुने गरी धाजा फाटेकोले अहिले आपटारका र ७ परिवारका ३४ जना बिचल्लीमा परेका हुन् ।

निरन्तर झरी पर्ने हो भने दबिएको र धाजा फाटेको जग्गा झन् बग्ने र धाजा फाट्न सक्ने र अझ कमेरो माटो भएकोले घाम लाग्दा जमिने दबिने स्थानीय प्रेमकुमार राईले बताए । अहिले माथि र तलबाट पहिरो झर्न रोकिएको भए पनि यो झरीले गर्दा अव अझ बग्ने सम्भावना बढेर गएको उनी बताउँछन् ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved