विश्व पर्यटन दिवस धरानमा बेलुन उडाएर मनाइयो  कोरोनाले पर्यटन व्यवसाय चौपट्ट : पर्यटन व्यवसायी

  • आश्विन ११, २०७७
  • २१६ पटक पढिएको
  • कपुरी न्यूज
alt

धरान : विगतका वर्षहरूमा तामझामका साथ मनाइँदै आएको विश्व पर्यटन दिवस आज कुनै कार्यक्रम आयोजना विनै मनाइएको छ । 

आज ४१ औँ पर्यटन दिवस धरानमा बेलुन उडाएर मनाइएको छ ।  गत वर्ष यही दिवस विभिन्न कार्यक्रम गरी मनाइएको भए पनि यस वर्ष कोरोना भाइरस ९कोभिड १९० को महामारीले गर्दा प्रभावित बनेको हो ।

विश्व पर्यटन दिवसकै अवसरमा गत वर्ष धूमधामसँग मनाइएको यो दिवस धरानमा समेत बेलुन उडाएरै सिमितरुपमा मनाइयो । यस वर्ष दिगो विकासका लागि ग्रामीण पर्यटन भन्ने मूल नाराका साथ मनाइएको पर्यटन दिवस धरान उपमहानगरपालिकामा पर्यटन व्यवसायीको आयोजनामा धरान उपमहानगरपालिकाका प्रमुख तिलक राईले  बेलुन उडाएर मनाइएको छ ।

विश्व व्यापी कोरोनाका कारण भ्रमण वर्ष २०२० समेत प्रभावित बनाएको बताउँदै कोरोना भाइरसले सबैभन्दा बढी पर्यटन व्यवसायी मारमा परेको पर्यटन व्यवसायी वासुदेव बरालले बताए । 

उनले अहिले जीवन मरणको लडाइमा रहेका नेपालीहरूको हरेक व्यवसाय चौपट भए पनि पर्यटन व्यवसाय भने उठ्नै नसक्ने गरी थला परेको बताए ।

पर्यटनलाई धर्ना उपमहानगरपालिकाले महत्त्वपूर्ण पाटोको रूपमा लिँदै आएको धरान उपमहानगरपालिका प्रमुख तिलक राईले बताए । उनले पर्यटन दिवसकै पूर्व सन्ध्यामा नेपाल पर्यटन बोर्ड र धरान उपमहानगरपालिकबीच महत्त्वपूर्ण सम्झौता भएको पनि बताए । धरानलाई केन्द्रबिन्दु बनाएर प्रदेश नंं १ को पर्यटकीय गन्तव्यको विकासमा यो सम्झौताले ठुलो महत्त्व राख्ने बताएका छन् ।

अहिलेको अवस्थामा पर्यटन क्षेत्र तहसनहस भएको बताउँदै प्रमुख राईले पर्यटन क्षेत्रको विकासमा भविष्यमा धरान उपमहानगरपालिका लागि परेर अगाडि बढ्ने बताए ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved