जिल्ला प्रशासन कार्यालय सुनसरीद्वारा चाडपर्वलाई लक्षित गरी निषेधाज्ञा जारी धरान १४ विजयपुरका मठमन्दिरहरू नौरथामा बन्द रहने

  • आश्विन ३०, २०७७
  • ८९४ पटक पढिएको
  • कपुरी न्यूज
alt

धरान : चाडपर्वमा मठमन्दिरहरूमा हुने भिडभाड र राजनैतिक सभा सम्भेलनलाइ लक्षित गरेर जिल्ला प्रशासन कार्यालय सुनसरीले निषेधाज्ञा जारी गरेको छ ।

दैनिक कोरोना संक्रमणदर बढिरहेको अवस्थामा वडा दशै भोलि देखि सुरु भइरहेको बेलामा कोरोना सङ्क्रमणको जोखिम अझै रहिरहेकोले चाडपर्व लक्षित निषेधाज्ञा जारी गएको जिल्ला प्रशासन कार्यालय सुनसरीको सूचनामा उल्लेख गरिएको छ ।

चाडपर्व नजिकिएको र यो बेला मठमन्दिरहरूमा भिडभाड हुने भएकोले सङ्क्रमण फैलने जोखिम उच्च रहेको भन्दै निषेधाज्ञा जारी गरिएको हो । ‘मन्दिरमा नित्य पूजा गर्ने एक जना बाहेक अन्यलाई प्रवेशमा रोक लगाइएको छ । चाडपर्वमा हुने शुभकामना आदानप्रदान कार्यक्रम, उद्घाटन र सिलान्यस, राजनैतिक दलको कार्यक्रमहरूमा पनि रोक लगाएको छ ।

यसै गरी शक्तिपिठ, मन्दिर तथा पण्डालहरुमा एक व्यक्तिबाट गरिने नित्यपुजाबाहेक सामुहिकरुपमा गरिने पूजाआजामा रोक लगाएको सूचनामा उल्लेख गरिएको छ ।

मस्जिदमा भेला तथा जम्मा हुन, गुम्बाहरूमा भेला हुन तथा पूजा गर्न, भक्ति सङ्गीत तथा भजनकिर्तनमा पनि रोक लगाएको प्रशासनले जनाएको छ । साथै सामुहिकरुपमा भेला भएर गरिने कुनै पनि क्रियाकलापहरूमा पनि रोक लगाएको प्रशासनको भनाई छ ।

धरान १४ विजयपुरका मठमन्दिरहरू पनि नौरथामा बन्द रहने

कोरोना सङ्क्रमणको जोखिम बढिरहेकोले धरान १४ विजयपुरमा रहेका शक्तिपिठ दन्तकाली, बुढासुब्बा, पिण्डेश्वर, पञ्चकन्या लगायतका सबै मन्दिरहरू बन्द रहने छन् ।

बडादशैको पहिलो दिन घटस्थापनाको दिन देखि लागु हुने गरी विजयपुरमा रहेका सम्पूर्ण मठमन्दिरहरूमा कुनै पनि पूजाआजा, बली लगायतका कार्यहरू बन्द गरिने १४ नम्बर वडा कार्यालयले आज एक सूचना जारी गरी जानकारी दिएको छ ।

CDO-Suchana

14-no-suchana

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved