नेकपा एकीकृत समाजवादी प्रदेश १ को संसदीय दलको नेतामा राजेन्द्र राई चयन संसदीय दलको निर्णय प्रदेश सभा सचिवालयमा आजै बुझाइने

  • भदौ २८, २०७८
  • ३४३ पटक पढिएको
  • कपुरी न्युज
alt

विराटनगर : नेकपा एकीकृत समाजवादी प्रदेश १ संसदीय दलको नेतामा राजेन्द्र राईलाई चयन गरिएको छ ।

आज काठमाण्डौंमा बसेको दलको बैठकले राईलाई संसदीय दलको नेतामा चयन गरेको सांसद उपेन्द्रप्रसाद घिमिरेले जानकारी दिए ।

संसदीय दलको बैठकले एमाले नेतृत्वको सरकार समर्थन नरहेको निर्णय समेत गरेको राईले बताए । संसदीय दलको निर्णय प्रदेश सभा सचिवालयमा आज नै दिइने घिमिरेले बताए ।

प्रदेश १ मा एकीकृत समाजवादीको पक्षमा १० जना सांसदले सनाखत गरेका थिए । उनीहरूले गरेको सनाखत शुक्रवार निर्वाचन आयोगले सदर गरेको थियो ।

राजेन्द्र राई, राजन राई, उपेन्द्रप्रसाद घिमिरे, सावित्रा रेग्मी, खिनु लङ्वा लिम्बू, गणेश काङ्माङ, कृष्णकुमारी राई, पदमकुमारी गुरुङ, सुनिता चौधरी र सरिता थापाले सनाखत गरेपछि एमालेले प्रदेशसभामा बहुमत गुमाएको छ ।

बहुमतप्राप्त दलको नेताको रूपमा मुख्यमन्त्री नियुक्त भएका भीम आचार्य अल्पमतमा परिसकेकोले असोज २४ गतेभित्र विश्वासको मत लिनुपर्ने छ ।

९२ सदस्यीय प्रदेशसभामा एमालेका ४१, नेपाली काँग्रेसका २१, नेकपा माओवादी केन्द्रका १५, नेकपा एकीकृत समाजवादीका १०, जनता समाजवादी पार्टीका ३, संयुक्त लोकतान्त्रिक राष्ट्रिय मञ्च र राप्रपाका १–१ सांसद छन् ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता बिनय बाह्रकोटी (ईटहरी)
  • सुदिप अधिकारी (झापा)
  • केशवराज भण्डारी (बिर्तामोड)

Copyright © 2018 / 2021 - Kapurinews.com All rights reserved