माया घरमा अष्टमीमा मात्रै दशै आयो

  • आश्विन २७, २०७८
  • ९८ पटक पढिएको
  • कपुरी न्युज
alt

इटहरी : जताततै दशैको रौनक छ । घर घरमा दशै भित्रिएको छ । तर इटहरी २ को एकैघरका १ सय २ जनालाई भने अष्टमीको दिन सम्म पनि दशै आएको थिएन । न नयाँ नाना थियो,न मासु खाना । एक सय दुई जना सडक मानवलाई आश्रय दिइरहेको इटहरी स्थित माया घरमा स्थानीय सरकार इटहरी उपमहानगरपालिका पुगेपछि मात्र दशैको आभास भएको छ ।

उपमहानगरपालिकाको तर्फबाट उपप्रमुख लक्ष्मी गौतम पुगेपछि माया घरमा बल्ल दशै आएको छ । अष्टमीको दिन त्यहाँका सबै १०२ जनाका लागि नयाँ लुगा र मासु खानाको व्यवस्था सहित उपमहानगरको तर्फबाट उपप्रमुख गौतम माया घर पुगेकी हुन् । उपप्रमुख गौतमले सबैलाई कपडा र खाना दिइन् ।

उनले सवै जना घर घरमा दशैको उमङ्गमा रमाइरहेका वेला माया घरमा आश्रित एक सय दुई जनाका लागि इटहरी उपमहानगरपालिकाले दशैको अनुभूति गराउने कोसिस गरेको बताइन् ।

माया घरकी सचिव सुभद्रा प्याकुरेलले माया घरमा बल्ल दशै आएको प्रतिक्रिया दिइन् । अप्ठ्यारो परेको वेला उपमहानगरको तर्फबाट सहयोग लिएर उपप्रमुख आइरहँदा माया घरलाई सजिलो हुने गरेको उनको भनाई छ ।

माया घरले मानसिक सन्तुलन ठिक नभएर असहाय रूपमा सडकमा बस्न बाध्य महिला तथा बालबालिकालाई आश्रय दिँदै आएको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता बिनय बाह्रकोटी (ईटहरी)
  • सुदिप अधिकारी (झापा)
  • केशवराज भण्डारी (बिर्तामोड)

Copyright © 2018 / 2021 - Kapurinews.com All rights reserved