धरान उपमहानगरद्वारा राहत कोष स्थापना, स्थापना भएकै दिन कोषमा २९ लाख जम्मा

  • चैत्र २०, २०७६
  • ७८५ पटक पढिएको
  • कपुरी न्यूज
alt

धरान : धरान उपमहानगरपालिकाले कोरोना रोकथाम नियन्त्रण उपचार तथा राहत कोष स्थापना गरेको छ ।

विहिबार बसेको नगर कार्यपालिकाको आकस्मिक बैठकले कोष स्थापना गर्ने निर्णय गरेको हो । कोषमा नगरपालिकाको आकस्मिक कोषबाट २५ लाख राख्ने निर्णय गरेको सुचना अधिकृत खगेन्द्र खतिवडाले जानकारी दिएका छन् । कोष स्थापना भएको दिननै सो कोषमा साढे २९ लाख रुपैंया राहत जम्मा भएको छ ।

विहिबार नै सो कोषमा धरान ३ का श्याम सोनीले १ लाख, धरान १० का डा. हरी शर्माले १५ हजार, धरान १ का मदनमान अमात्यले १० हजार १ रुपैया, शुभलक्ष्मी बचत तथा ऋण सहकारी संस्थाले २५ हजार, घण्टाघर व्यावस्थापन समितिले ३ लाख रुपैया गरी जम्मा ४ लाख ५० हजार १ रुपैया गरी कुल साढे २९ लाख १ रुपैया कोषमा रकम जम्मा भएको धरान उपमहानगरपालिकाका सुचना अधिकारी खगेन्द्र खतिवडाले जानकारी दिएका छन् ।

उनका अनुसार दाताहरुले दिएको रकम पनि यो कोषमा राखिनेछ भने राहतमा भएको खर्च पनि यहीबाट गरिनेछ । बैठकले मन्त्रालयले पठाएको राहत वितरणको नमुना मार्गदर्शन वमोजिम राहत वितरण गर्ने निर्णय पनि गरेको छ । यो मार्गदर्शनको २५ नम्बर बुँदाअनुसार कसैलाई पनि दोहोरो नपर्ने गरी आवश्यकता र औचित्य पुष्टी हुने गरी वडा कार्यालयले राहत वितरण गर्ने निर्णय बैठकले गरेको छ ।

साथै, वडाहरुबाट प्राप्त भएको राहत पाउनुपर्नेहरुको नामावलीलाई उपमहानगरले अन्तिमरुप दिएपछि सोही नामावलीको आधारमा मात्र राहत वितरण गर्नुपर्ने निर्णय पनि बैठकले गरेको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • बिनय बाह्रकोटी (ईटहरी)
  • कृष्ण 'बहाब' भट्टराई (इटहरी)
  • अर्जुन काफ्ले (पथरी)
  • केशवराज भण्डारी (बिर्तामोड)
  • बिज्ञापन प्रमुख सुजन खत्री (९८०७०९२०९७)

Copyright © 2018 / 2020 - Kapurinews.com All rights reserved