सुनसरी : उच्च शिक्षालय तथा माध्यमिक विद्यालय संघ नेपाल हिसान सुनसरीले आफ्ना चालक तथा सहचालकलाई ट्राफिक नियम सम्बन्धी सचेतना कार्यक्रम गरेको छ ।
१ नं प्रदेश टाफिक प्रहरी कार्यलय इटहरीको समन्वयमा हिसान सुनसरीले नीजी शिक्षालयका सवारी चालक तथा सहचालकहरुको लागि टाफिक नियम सम्बन्धी अभिमुखिकरण कार्यक्रमको आयोजना गरेको हो ।
कार्यक्रममा दुई दर्जन शिक्षालयका ९० जनाभन्दा बढी चालक तथा सहचालकको सहभागिता रहेको थियो । प्रदेश टाफिक प्रहरी कार्यलय इटहरीका प्रमुख प्रहरी उपरिक्षक श्यामकुमार महतोले सहभागी चालक तथा सहचालकलाई सवारी चलाउदा अपनाउनुपर्ने सावधानी तथा पालना गर्नुपर्ने नियमको बारेमा जानकारी दिए ।
हिसान सुनसरीले यसअघि पनि बिभिन्न कार्यक्रमको आयोजना गरेको र आगामी दिनमा पनि यस्तै कार्यक्रमको आयोजना गरिने अध्यक्ष सागर भट्टराईले बताए ।