धरान : धरान-धनकुटा राजमार्गको धरान वडा १३ निसानेमा धरान आउँदै गरेको कारमा हिजो सोमवार प्रहरीले ९८ केजी गाँजा बरामद गरेको छ ।
कोशी प्रदेश प्रहरी कार्यालय विराटनगरले दिएको जानकारी अनुसार अस्थायी प्रहरी चौकी धरान-१३ अमरहाटको प्रहरी टोलीले बिहान ९ बजेको समयमा कार चेकजाँच गर्दा ४ वटा बोरमा प्याकिङ गरी ल्याइएको गाँजको उक्त परिमाण बरामद गरेको हो ।
गाँजा बरामद भएको बा ११ च ५९४३ नम्बरको कार र गाँजा इलाका प्रहरी कार्यालयले नियन्त्रणमा लिएर थप अनुसन्धान भइरहेको बताइएको छ । कार चालक तथा अन्य व्यक्तिका बारेमा भने केही खुलाइएको छैन ।