विराटनगर : झापा, मोरङ, पाँचथर र उदयपुरबाट प्रतिबन्धित लागुऔषध ब्राउन सुगर, निषेधित औषधी र गाँजा सहित ६ जनालाई प्रहरीले पक्राउ गरेको छ ।

कार्तिक २० गते झापाको इलाका प्रहरी कार्यालय दमकबाट खटिएको प्रहरी टोलीले दमक नगरपालिका(६ बसपार्क स्थितबाट इलाम चुलाचुली–५ का ४२ वर्षीय राजेन्द्र राईलाई ४ ग्राम ब्राउन सुगर सहित र मेचीनगर–६ मेची पुलबाट लागु औषध नियन्त्रण ब्युरो काँकडभिट्टाको प्रहरी टोलीले शिवसताक्षी–१ का २७ वर्षीय पुकार तामाङलाई ६ ग्राम ब्राउन सुगर सहित नियन्त्रणमा लिएको छ ।

यसै गरी मोरङको विराटनगर–१५ स्थितबाट कानेपोखरी–५ का २२ को युसन बिकलाई १ ग्राम ६२ मिलिग्राम ब्राउन सुगर सहित लागु औषध नियन्त्रण ब्युरो विराटनगरको टोलीले र रतुवामाइ-१ बाट, मोरङ मिक्लाजुङ–७ का १९ वर्षीय सरोज लिम्बु र २२ वर्षीय राज मगरलाई नाईट्राजेपाम १०० ट्याब्लेट, ट्राम डोल २०० ट्याब्लेट सहित इलाका प्रहरी कार्यालय सिजुवाले पक्राउ गरेको छ ।

उदयपुरको अस्थायी प्रहरी बिट आम बासीको प्रहरी टोलीले ८ केजी गाँजा सहित को ३८ प १८५ नम्बरको मोटरसाइकल र चालक बेलका–६ का ३८ वर्षीय लोकेन्द्र राईलाई पक्राउ गरेको छ ।