धरान : धरान-८ का १९ वर्षीय अभिषेक मग्रातीलाई प्रहरीले विराटनगर बरगाछीबाट सोमवार लागुऔषध सहित पक्राउ गरेको छ । अस्थायी प्रहरी पोस्टले मग्रातीलाई ट्रमाडोल १०० क्याप्सुल, स्पासपेन २० चक्की र स्पासमा ३० चक्की सहित पक्राउ गरेको हो ।

यसैगरी इटहरी-२० का २१ वर्षीय मनिष खड्का र ३२ वर्षीय दिपेन थापा मगरलाई ट्रमाडोल र स्पासमो ८० चक्की तरहरा प्रहरी चौकीले पक्राउ गरेको कोशी प्रदेश प्रहरी कार्यालय विराटनगरले जनाएको छ ।

मोरङको पथरी शनिश्चरे-१० का २२ वर्षीय रोशन बिक लाई निषेधित लागुऔषध ट्रमाडोल ३४० चक्की र स्पासपेन ३८० चक्की सहित इलाका प्रहरी कार्यालय पथरीको प्रहरी टोलीले पक्राउ गरेको छ ।