धरान : प्रहरीले धनकुटा-७ जिरोप्वाईन्टबाट मङ्गलवार २१ वर्षीय रविन राई र १८ वर्षीय रोशन मल्लिकलाई लागुऔषध सहित पक्राउ गरेको छ ।

कोशी प्रदेश प्रहरी कार्यालय विराटनगरले जनाए अनुसार उनीहरूलाई जिल्ला प्रहरी कार्यालयको टोलीले पक्राउ गरेको हो ।

उनीहरूबाट प्रतिबन्धित लागुऔषध ट्रामोल २ सय ५ क्याप्सुल, स्पास्मो १ सय २५ चक्की र डिकोलिक ५९ चक्की बरामद गरिएको छ ।

यसैगरी झापाको मेचीनगर-६ बाट मोरङ कानेपोखरी-६ का २४ वर्षीय अबिन्द्र लिम्बूलाई प्रहरीले ब्राउनसुगर सहित पक्राउ गरेको छ ।

लागुऔषध नियन्त्रण ब्यूरो काँकरभिट्टाको प्रहरी टोलीले चेकजाँचको क्रममा लिम्बूलाई १ ग्राम ४६० मिलिग्राम ब्राउनसुगर सहित नियन्त्रणमा लिएको हो ।