धरान : किरात राई यायोक्खा नगर समितिद्वारा आयोजित ‘किरात सिरिजङ्गा लिपि’ लेखनको २ दिने प्रशिक्षणमा शनिवार देखी धरान-१० स्थित यलम्बर भवनमा सुरु भएको छ ।

प्रशिक्षणको उद्घाटन धरान उपमहानगरपालिकाका उपप्रमुख आइन्द्र विक्रम बेघाले गरे । उनले सबै जातिको भाषा, धर्म, संस्कार, संस्कृतिको संरक्षण गर्ने दायित्व तीनै तहको सरकारको भएको बताए ।

यायोक्खा सुनसरी अध्यक्ष राजेन्द्र राईले भाषा बोले पनि लिपि नबुझ्दा भाषा लोप हुने अवस्था रहेका बताए ।

धरान नगर समितिका अध्यक्ष लिला राईले सिरिजङ्गा लिपिको बारेमा समुदायमा ज्ञान प्रदान गर्ने उद्देश्यले प्रशिक्षण कार्यक्रम आयोजना गरिएको बताइन् ।

प्रशिक्षणमा यायोक्खा वडा कार्यसमिति, भाषिक, भातृ संस्थाबाट ४० जना प्रशिक्षार्थीहरूको सहभागी रहेको किराया नगर सचिव गीता राईले जानकारी दिइन् ।

प्रशिक्षण सहजीकरण किरात प्रज्ञा परिषद्का सदस्य, किरात सिरिजङ्गा लिपि कार्यदल सदस्य गणेश ताम्बुले राईले गरिरहेका छन् ।