धरान : धरानका १० वटा वडाका महिला समूहका २१ जना सदस्यहरूलाई सहभागी गराई शुक्रवार देखी उद्घोषण कला तालिम सञ्चालन गरिएको छ ।
महिला समूहका सदस्यहरूको क्षमता विकासका लागि सङ्गम महिला समूहले तालिमको आयोजना गरेको हो ।
धरान वडा १५ कार्यालयको आर्थिक सहयोगमा भएको तालिमको वडा अध्यक्ष नरेशकुमार ईवारमले गरे । तालिममा महिला समूहहरूबाट २१ जना सदस्य सहभागी रहेका छन् ।
तालिम धरान-९ स्थित गरिमा डान्स सेन्टरको हल सञ्चालन भइरहेको छ । तालिमको प्रशिक्षक सञ्जु राई (सुमित्रा) रहेकी छन् । 
तालिममा महिला समूहहरू सङ्गम महिला समूह सहित फूलबारी आमा समूह, हातेमालो उद्यमी महिला समूह, फूलबारी आमा समूह, मखमली आमा समूह, नीराजन महिला समूह, श्यामचौक आमा समूह, सुन्दर महिला समूह, दिव्य ज्योति महिला बचत तथा ऋण सहकारी संस्था, पन्चेबाजा समूहका सदस्यहरू सहभागी रहेको सचिव कृश राईले बताइन ।