धरान : गृहमन्त्री सुदन गुरुङ धरान आएको बेला उनले 'सेभ घोपा' अभियान सञ्चालन गर्दाताका साथ दिएका सहयात्रीहरूलाई घरैमा गएर भेटघाट गरेका छन् ।
उनी शनिवार धरान आइपुगे लगत्तै सेभ घोपा अभियानमा साथ समर्थन दिएका डेन्टल गेट अगाडीका कफी सप तथा होटलवालाहरुसँग भेटघाट गरे । तर सेभ घोपा अभियानमा साथ दिएका धरानका पत्रकार तथा अभियन्ताद्वय महेश श्रेष्ठ र निश्चल पलिखे, ज्योति शाक्यलाई भने भेटेनन् ।
अभियन्ता श्रेष्ठले भने ‘गृहमन्त्री भएपछि हिमचिम छैन, भेटघाट त के फोनमा हेलो हाई पनि छैन, भेट्नु पर्छ होई भनेर खबर समेत आएन ।’ त्यत्रो घोपा बचाउन अभियानमा समर्थन र सहयोग गर्यौ अहिले बिर्सिएको उनको भनाई छ ।
होप धरानका निश्चल पालिखेले भने ‘घोपा बचाउ अभियानमा होप धरानको तर्फबाट धेरै सहयोग गर्यौँ, सँगै कुदयाैँ व्यवस्थापन गरियो, तर अहिले भेटघाट, सम्पर्क छैन ।’ गृहमन्त्री भएपछि झन् परको कुरा भएको बताउँदै उनले भने ‘अहिले त नचिने जस्तै गर्छन्, भेटघाटको कुरै जावोस ।’ उनले सबै पसलेसँग भेटघाट गरेछन् तर हामीलाई यहाँ आएको थाहा नभएको गुनासो गरे ।
