बस धरान बाहिर जान पाउने , ट्याम्पो किन नपाउने ? भन्दै ट्याम्पो व्यवसायीहरू उपमहानगरमा

  • श्रावण १८, २०७७
  • ११७८ पटक पढिएको
  • कपुरी न्युज
alt

धरान : धरान उपमहानगरपालिकाले गरेको निर्णयको विरुद्धमा आज धरानका ट्याम्पो चालकहरू धरान उपमहानगरपालिकामा भेला भएर मेयरको ध्यानाकर्षण गरेका छन् ।

ट्याम्पो व्यावसायीहरुले आफूहरूलाई धरान उपमहानगरपालिकाले धरान बाहिर जान र बाहिरबाट आउन नदिने निर्णय गरेकोले आफूहरूलाई समस्या भएको भन्दै उपमहानगर अगाडी ट्याम्पो लिएर आएका थिए । आफूहरूलाई धरान बाहिर जान नदिने र सीमित मात्रै यात्रु बोक्न भनिएको तर यात्रुवाहक बसहरू पूर्वका विभिन्न जिल्ला र सहरहरू सम्म पुग्ने र आउने गरेको भन्दै आफूहरूले पनि यात्रुवाहक बस जस्तै सेवा दिन पाउनुपर्ने माग गरेका थिए ।

ट्याम्पो व्यावसायीहरुसंगको छलफलमा यात्रुवाहक बस र ट्याम्पोमा कुनै विभेद नगरिएको र कोरोनाको जोखिम न्यूनीकरणका लागि यस्तो निर्णय गर्न बाध्य भएको धरान उपमहानगरपालिकाका मेयर तिलक राईले उनीहरूलाई सम्झाएका थिए । यो विषम परिस्थितिमा उपमहानगरपालिकाले गरेको निर्णयमा सहयोग गर्न ट्याम्पो व्यवसायीहरुलई आग्रह गरेको मेयर राईले बताए ।

धरान उपमहानगरपालिकाको सर्वदलीय बैठकले यात्रुवाहक बसहरूले सरकारले तोकेको स्वास्थ्य मापदण्ड पुरा गरेर सञ्चालन गर्नुपर्ने र तीन पाङ्ग्रे सवारीहरू ट्याम्पो र सिटी सफारीले धरान उपमहानगर क्षेत्र देखि बाहिर जान नपाउने र बाहिरबाट पनि आउन नपाउने निर्णय गरेको थियो ।

यो निर्णयको विरोध गर्दै धरान उपमहानगरमा ट्याम्पो सहित आइपुगेका ट्याम्पो व्यावसायीहरुले पनि मेयर र धरान उपमहानगरको निर्णयमा सहमत जनाएका छन् । धरानमा कोरोना सङ्क्रमणको जोखिम बढ्दै गइरहेकोले अवस्था हेरेर फेरी निर्णय गरिने सहमति भएको बताइएको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved