बीपीमा पिसिआर परीक्षण गर्न स्थानीय निकायले पनि सरकारले तोकेको २ हजार शुल्क तिर्नुपर्ने

  • आश्विन ७, २०७७
  • ४३० पटक पढिएको
  • कपुरी न्यूज
alt

धरान : प्रदेश र सङ्घीय सरकारले पिसिआर परीक्षण गर्दा चाहिने आवश्यक किट रिएजेन्ट लगायतका सामाग्री उपलब्ध गर्न नसकेको भन्दै वीपी कोइराला स्वास्थ्य विज्ञान प्रतिष्ठानले अब स्वाब परीक्षण गर्न न्यूनतम २ हजार रुपैयाँ शुल्क लिने भएको छ ।

अव स्थानीय निकायहरूले सङ्कलन गरेको स्वाबको निःशुल्क रुपमा परीक्षण गर्न नसक्ने भन्दै आज प्रतिष्ठानका अस्पताल निर्देशक डा. गौरीशङ्कर साहले सूचना जारी गरेका छन् ।

सरकारले निःशुल्क उपलब्ध गराउने किट नपाए पछि प्रतिष्ठान आफैले खरिद गरेर पिसिआर परीक्षणलाई निरन्तरता दिनुपर्ने भएकोले सरकारले तोकेको न्यूनतम शुल्क तिर्नुपर्ने सूचनामा उल्लेख गरिएको छ ।

सूचनामा प्रतिष्ठानको कोभिड अस्पताल, आइसोलेसन र प्रतिष्ठानकै अन्य क्षेत्रमा काम गर्ने स्वास्थ्यकर्मी तथा कर्मचारीहरूलाई परीक्षण आवश्यक भएमा मात्र चिकित्सकको सिफारिसमा निःशुल्क पिसिआर टेस्ट गरिने छ ।

चिकित्सकले सिफारिस गरेका बाहेकका प्रतिष्ठानकै अन्य चिकित्सक र कर्मचारीहरूले तथा अन्य बाह्य व्यक्तिहरूले पनि पिसिआर टेस्ट गर्न चाहेमा सरकारले तोकेको न्यूनतम शुल्क २ हजार भुक्तानी गर्नुपर्ने प्रतिष्ठानले जनाएको छ ।

सङ्घीय तथा प्रदेश सरकारबाट निःशुल्क रुपमा पिसिआर किट, रिएजेन्टलगायत सामग्रीहरू उपलब्ध नभएसम्म स्थानीय सरकार, सङ्घसंस्थाबाट समुहगत रुपमा प्राप्त हुने स्वाबको पनि २ हजार रुपैयाँ शुल्क लिएर मात्र परीक्षण गरिने छ ।

साथै, निःशुल्क र सशुल्क दुवै परीक्षण गर्दा प्रतिष्ठानको बिल काउन्टरबाट अनिवार्य बिलिङ गर्नुपर्ने पनि प्रतिष्ठानको सूचनामा उल्लेख छ । अव स्थानीय सरकारले पनि पिसिआर परिक्षणका लागि सरकारले तोकेको २ हजार शुल्क तिरेर मात्रै पिसिआर परीक्षण गर्न पाउनेछ ।

PCR-Test-Sulka-Suchana

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved