स्वर्गीय मेयर तारा सुब्बाकी पत्नीले स्वतन्त्र उम्मेदवारी दिने कुराले चुनावी माहोल तरंगित

  • कार्तिक २२, २०७६
  • ३९९८ पटक पढिएको
  • कपुरीन्यूज
alt

धरान: धरानका मेयर तारा सुब्बाको निधन भएकोले मंसिर १४ गते उपनिर्वाचन हुदैछ । स्वर्गीय मेयर तारा सुब्बा तत्कालिन नेकपा एमालेबाट विजयी भएका थिए ।

अहिले तत्कालिन एमाले र माओवादी एकता भएर नेकपा भएको छ । नेकपाले मेयर पदमा जिल्ला कमिटि सदस्य प्रकाश राईलाई उम्मेदवार बनाउने निर्णय गरेर घरदैलो अभियानमा ब्यस्त छ । तर, यही घरदैलो अभियानमा ब्यस्त रहेको नेकपालाई स्वर्गीय मेयर सुब्बाको परिवारबाट नेकपाको लागि अप्रिय खबर आएको छ । आगामी निर्वाचनमा स्वर्गीय मेयर सुब्बाकी पत्नी इन्दु सुब्बा(राई)ले स्वतन्त्र उम्मेदवारी दिने खबरले अहिले धरानको चुनावी माहोल र सञ्चारमाध्यममा तरंग ल्याएको छ ।

स्वर्गीय मेयर पत्नी इन्दुले स्वतन्त्र उम्मेदवारी देलान् कि नदेलान्, त्यो भविष्यले बताउँला तर स्वर्गीय मेयर सुब्बाका दाजु ए.जि.(एन्ड्रयु) सुब्बाले सामाजिक सञ्जाल फेसबुकमा उनले स्वतन्त्र उम्मेदवारी निर्णय भएको पोष्ट गरेका छन् । हाल हंगकंगमा रहेकी इन्दु शनिबार नेपाल(काठमाण्डौ) आइपुग्नेछिन् भने आइतबार धरान आइपुग्नेछन् ।

उनको जेठाजु तथा स्वर्गीय मेयर सुब्बाका दाई ए.जि.का अनुसार उम्मेदवारको ३ जना नाम सिफारिश हुदा आफ्नो पनि नाम सिफारिश होस् भन्ने चाहना बुहारीको थियो । सोही अनुसार पार्टीमा कार्तिक १५ गते आफुले निवेदन दिए पनि सुनुवाई नभएको उनको भनाई छ । 'नाम मात्र सिफारिश भए पनि हुने भन्ने थियो, बुहारीको त्यसैमा चित्त दुःखाई छ, र उम्मेदवारी दिने कुरा सतप्रतिशत हो,'उनले भने ।

स्वर्गीय मेयर सुब्बाको परिवारको यो कुराले नेकपालाई झस्काएको छ भने प्रतिस्पर्धी दलहरुलाई पनि नेकपाविरुद्ध प्रचार गर्ने मौका मिलेको छ । अन्यत्र नेताको मृत्यु हुदा श्रीमतिलाई उम्मेदवार उठाउने नेकपाले धरानमा चै किन तारा सुब्बाकी श्रीमतिलाई उम्मेदवार नउठाएको भन्ने प्रश्न गर्दै सामाजिक सञ्जालमा आलोचना, आक्रोश पोख्ने काम भइरहेको छ ।

letter1

 

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक: मात्रिका प्रसाद नेपाल
  • सम्पादक: आर. के. राई
  • संवाददाता: वसन्त वान्तवा राई (धरान)
  • विबेक विवस रेग्मी (ईटहरी)
  • अर्जुन काफ्ले (पथरी)
  • केशवराज भण्डारी (बिर्तामोड)
  • डेक्स: पारस राई
    बिज्ञापन प्रमुख: सुजन खत्री (९८०७०९२०९७)

Copyright © 2018 / 2019 - Kapurinews.com All rights reserved