धरान : धरानमा जारी मेयर कप स्कुल ओलम्पिकको टेबलटेनिस प्रतियोगितामा युरेका स्कुलका खेलाडीहरूले उत्कृष्ट प्रदर्शन गर्दै अधिकांश उपाधि पक्षमा पारेका छन् ।
श्रेया सुवेदीले दुई उमेर समूहमा स्वर्ण जित्दै प्रतियोगितामा दोहोरो स्वर्ण जित्ने पहिलो रेकर्ड कायम गरेकी छन् ।
सोमबार भएको प्रतियोगितामा अन्डर–१५ र अन्डर–१७ छात्रा समूहमा श्रेया सुवेदीले लगातार प्रथम स्थान हासिल गर्दै दोहोरो स्वर्ण जितिन । दुवै समूहमा युरेकाकी चन्साया सुवेदी दोस्रो स्थानमा रहिन ।
प्रतियोगितामा सुनाखरी एकेडेमीकी आदित्मा मगरले पनि उत्कृष्ट प्रदर्शन गरिन । उनले अन्डर–१२ छात्रा समूहमा स्वर्ण जित्नुका साथै अन्डर–१५ र अन्डर–१७ समूहमा समेत प्रतिस्पर्धा गर्दै दुवैमा तेस्रो स्थान हासिल गरिन ।
अन्डर–१० तर्फ विष्णुका सौरव अग्रहरी प्रथम, युरेकाका आरम्भ परियार द्वितीय, बुद्ध आदर्शका तेन्येन तामाङ तृतीय तथा युरेकाकै निशब श्रेष्ठ चौथो स्थानमा रहे।
अन्डर–१२ छात्रतर्फ युरेकाका आश्विन श्रेष्ठ प्रथम, होली गार्डेनका अम्सन अधिकारी द्वितीय तथा अरनिकोका सन्दीप योञ्जन र सेन्ट जोसेफका सुमित विक संयुक्त तृतीय बने।
छात्रातर्फ सुनाखरीकी आदित्मा मगर प्रथम, जुनियर पायोनियरकी परिनिता दास द्वितीय तथा सुनाखरीकै सञ्जिला लिम्बु र लवली राई संयुक्त तृतीय भए।
अन्डर–१५ छात्रतर्फ मेघाका गौतम तामाङ प्रथम, विष्णुका रेहान कर्माचार्य द्वितीय तथा नेपाल पुलिसका गौतम राई र युरेकाका अभय शाक्य संयुक्त तृतीय बने।
अन्डर–१७ छात्रतर्फ मेघाका सिद्ध गौतम तामाङ प्रथम, विष्णुका रेहान कर्माचार्य द्वितीय तथा युरेकाका प्रनेशोन देवान र अभय शाक्य संयुक्त तृतीय बने।
धरानका ३५ विद्यालय सहभागी टेबलटेनिस प्रतियोगिताको समापन समारोहमा धरान उपमहानगरपालिका–८ का वडाध्यक्ष धनबहादुर राईले विजेता खेलाडीहरूलाई मेडल तथा प्रमाणपत्र वितरण गरेको खेल संयोजक भरत शाक्यले जानकारी दिए ।
