इटहरी : राष्ट्रिय स्वतन्त्र पार्टी (रास्वपा) केन्द्रीय सदस्य पदमा सुनसरीका लालविक्रम थापा पराजित भएका छन् । सुनसरीका दुई माननीयहरू अशोक कुमार चौधरी र निशा मेहता विजयी हुँदा थापा विजयी बन्न सकेनन् ।
थापा खुल्ला तर्फ उम्मेदवारी दिएका थापा पराजित हुँदा थारु कोटाबाट चौधरी निर्वाचित बने । चौधरीले १२९८ मत पाए भने मन्त्री समेत रहेकी मेहताले १८६१ मत पाइन् । चौधरी सुनसरी २ बाट निर्वाचित सांसद हुन् भने मेहता समानुपातिक सुचीबाट संसद् भएकी हुन् ।
कोशी प्रदेशका प्रभावशाली नेताको छवि बनाएका थापा केन्द्रीय सदस्यमा पराजित भएसँगै सुनसरीमा उनको शक्ति कमजोर बनेको छ । यसअघि उनकै प्रभावमा कोशी प्रदेश र सुनसरीमा पदाधिकारीलाई कारबाही देखि पार्टीमा नियुक्ति हुने गरेको थियो ।
थापाकै प्रभावमा प्रतिनिधिसभा निर्वाचनमा सुनसरी २ का प्रत्याशी चौधरीलाई ३ नम्बर क्षेत्रको टिकट दिइएको बताइन्छ ।
