धरान : धरानमा जारी तेस्रो मेयर कप स्कुल ओलम्पिकको अ बिहीबार भएको बास्केटबल प्रतियोगिताको उपाधि मेघा हिमालयन स्कुलले जितेको छ।
फाइनलमा केके इन्टरनेशनल स्कुललाई ५२–४८ ले हराउँदै मेघा स्कुल च्याम्पियन बनेको हो ।
सुरुवाती दुई क्वार्टरमा केके इन्टरनेशनलले खेलमा पकड बनाएको थियो। पहिलो क्वार्टर ४–३ र दोस्रो क्वार्टर १०–५ ले आफ्नो पक्षमा पार्दै पहिलो हाफमा अग्रता कायम राखेको थियो।
तर तेस्रो क्वार्टरमा मेघाले उत्कृष्ट पुनरागमन गर्यो। बलियो रक्षात्मक प्रदर्शनसँगै केकेलाई केवल ४ अङ्कमा सीमित गर्दै आफूले १६ अङ्क जोडेर खेल आफ्नो पक्षमा मोड्यो।
चौथो क्वार्टरमा केके इन्टरनेशनलले १९–१० को प्रभावशाली प्रदर्शन गर्दै खेल बराबरीको अवस्थामा पुर्यायो र खेल ओभरटाइममा धकेलियो। ओभरटाइममा भने मेघाले संयमित प्रदर्शन गर्दै ८–४ को अग्रता बनायो र अन्ततः ५२–४८ को जित निकाल्दै उपाधि उचालेको हो ।
मेघाको जितमा संगम ठाकुरले सर्वाधिक २५ अङ्क जोड्दै खेलकी उत्कृष्ट स्कोरर बनिन्।प्रतियोगितामा मेघा हिमालयन विजेता, केके इन्टरनेशनल स्कुल उपविजेता बने। डिपो माध्यमिक विद्यालय र जुनियर पायोनियर स्कुलले संयुक्त रूपमा तेस्रो स्थान हासिल गरेका छन्।
बास्केटबल प्रतियोगितामा धरानका १६ सामुदायिक तथा संस्थागत विद्यालय बिच प्रतिस्पर्धा भएको थियो ।
