कोरोना संक्रमित युवतीसंगै आएका धरानका दुबैजना प्रतिष्ठानमा, लाहानबाट आएकालाई टाँडी पठाईयो विदेशबाट आउने जो कोही क्वारेनटाईनमा बस्न चिकित्सकको आव्हान

  • चैत्र ११, २०७६
  • ३७१९ पटक पढिएको
  • कपुरी न्यूज
alt

धरान : कोरोना संक्रमित युवतीसंगै एउटै प्लेनमा नेपाल आएका धरानका दुइ जना बीपी कोईराला स्वास्थ्य विज्ञान प्रतिष्ठानको सम्पर्कमा पुगेका छन् ।

चैत्र ४ गते कतार एयरवेजबाट कोरोना संक्रमित युवतीसंगै नेपाल आईपुगेका धरान १६ र धरान ६ का दुईजना सरकारी क्वारेनटाईनमा पनि नबसी धरान आईपुगेका कारण उनीहरुमा पनि कोरोना संक्रमण हुन सक्ने भन्दै धरान उपमहानगरपालिका, बीपी कोईराला स्वास्थ्य विज्ञान प्रतिष्ठान र प्रहरीको संयुक्त प्रयासमा प्रतिष्ठान आईपुगेको बताईएको छ ।

उनीहरु दुवैलाई धरान उपमहानगरपालिकाले तयारी अवस्थामा राखेको एम्वुलेन्सबाट प्रतिष्ठान पुगेका हुन् । दुबै जनाको थ्रोट स्वाब लिएर कोरोना परिक्षणकालागि टेकु अस्पताल पठाईने र हेल्थ स्क्रीनिङ गरी आईसोलेसनमा राख्नुपर्ने अवस्था आए प्रतिष्ठानको आईसोलेसनमा राख्ने र नभए दुवैलाई नेपाली सेनाले तयार गरेको मोरङको टाँडी स्थित क्वारेनटाईनमा पठाउने प्रतिष्ठानका सहायक अस्पताल निर्देशक डा. विकास शाहले बताए ।

यसैगरी सिराहाको लाहानबाट प्रतिष्ठानमा कोरोना परिक्षणका लागि ल्याईएका एक जनालाई प्रहरीको स्कटिङ गरी मोरङको टाँडी स्थित क्वारेनटाईनमा पठाईएको प्रहरीले जनाएको छ । उनी भारतको वेङ्लोरबाट आएका हुन् ।

सरकारले राख्ने १४ दिनको क्वारेनटाईनमा नबसी विदेशबाट नेपाल आएको जो काहीले पनि आफ्नो परिवार र समाजका लागि स्वास्थ्य परिक्षण गरी क्वारेन्टाईनमा बस्न चिकित्सकले आव्हान गरेका छन् । यसो गरियो भने मात्रै परिवार र समाज कोरोना जस्तो डरलाग्दो माहामारीबाट मुक्त हुने स्वास्थ्यकर्मीहरुको भनाई छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved